جۇمىس ساپارى بارىسىندا تجم بولىمشەلەرىنىڭ كۇشتەرى مەن قۇرالدارىنىڭ الداعى سۋ تاسقىنى كەزەڭىنە دايىندىعى تەكسەرىلدى. سونداي-اق, ساپار بارىسىندا ءورت ءسوندىرۋ بولىمدەرى مەن №52859 اسكەري ءبولىمىنىڭ جەكە قۇرامىمەن كەزدەسۋلەر وتكىزىلدى.
تج ءبىرىنشى ۆيتسە-ءمينيسترى مەن وققك توراعاسى بولىمشەلەردىڭ ماتەريالدىق-تەحنيكالىق جاراقتاندىرىلۋىن, قىزمەتكەرلەردىڭ جابدىقتالۋىن, ولاردىڭ جۇمىس جاعدايلارىن تەكسەردى.
قاراعاندى وبلىسىنىڭ اۋماعىندا ورنالاسقان تجم بارلىق بولىمشەلەرى الداعى سۋ تاسقىنى كەزەڭىندە جۇكتەلگەن مىندەتتەردى ورىنداۋعا دايىن. جاراقتا وتىمدىلىگى جوعارى جانە ينجەنەرلىك تەحنيكا, ونىڭ ىشىندە جەكە قۇرامدى تاسىمالداۋعا جانە حالىقتى ەۆاكۋاتسيالاۋعا ارنالعان وتىمدىلىگى جوعارى ۆاحتالىق اۆتوبۋستار, باتپاق-جول تالعامايتىن كولىكتەر, ءجۇزۋ قۇرالدارى, موتوپومپالار, ونىڭ ىشىندە تىركەمەلى, سونداي-اق گيدروكوستيۋمدەر بار.
قاراعاندى وبلىسىنىڭ قۇتقارۋ بولىمشەلەرى شىعىس قازاقستان جانە سولتۇستىك قازاقستان وبلىستارىنداعى سۋ تاسقىنى كەزەڭىنىڭ شيەلەنىسكەن جاعدايدا كومەككە كەلۋگە دايىن.
سۋ تاسقىنى كەزەڭىنىڭ ىقتيمال اسقىنۋىنا جەدەل دەن قويۋ ماقساتىندا كورشى وڭىرلەرگە مارش جاساۋ ءۇشىن 100-دەن استام ادام مەن 17 بىرلىك تەحنيكا دايىندالدى. قۇتقارۋ توپتارى اۆاريالىق-قۇتقارۋ جانە كەزەك كۇتتىرمەيتىن جۇمىستاردى جۇرگىزۋ ءۇشىن قاجەتتى كيىم-كەشەكپەن جانە جابدىقپەن قامتاماسىز ەتىلگەن.
قاراعاندى وبلىسىندا سۋ تاسقىنى كەزەڭىنە بارلىعى 6700-دەن استام ادام جانە 1900-دەن استام تەحنيكا بىرلىگى بار ازاماتتىق قورعاۋدىڭ اۋماقتىق كىشى جۇيەسىنىڭ كۇشتەرى مەن قۇرالدارى دايىندالدى.
