ايماقتار • 18 ناۋرىز، 2021

قازاقستاندىق بالالاردىڭ 95%-ى بالاباقشالارعا بارادى

14 رەت كورسەتىلدى

پرەمەر-مينيستر اسقار مامين بالالاردى مەكتەپكە دەيىنگى تاربيەمەن قامتۋ جوسپارلارىمەن ءبولىستى، دەپ حابارلايدى Egemen.kz باتىس قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساپ.

«جان باسىنا شاققانداعى قارجىلاندىرۋ ادىستەمەسىنە سايكەس مەكتەپكە دەيىنگى ءبىلىم بەرۋدى جەتكىلىكتى قارجىلاندىرۋ تۋرالى ماسەلەنى شەشۋگە قاتىستى سىزدەردىڭ دەپۋتاتتىق ساۋالدارىڭىزعا مىنالاردى حابارلايمىن. بۇگىنگى تاڭدا رەسپۋبليكا بويىنشا 3 جاستان 6 جاسقا دەيىنگى بالالاردى مەكتەپكە دەيىنگى بىلىممەن قامتۋ 98،7% - دى قۇرايدى. بۇل كورسەتكىشتى 2025 جىلعا قاراي 100% - عا دەيىن جەتكىزۋ جوسپارلانىپ وتىر. 2020 جىلى رەسپۋبليكادا 38 مىڭ ورىندىق 365 جەكەمەنشىك بالاباقشا اشىلدى. سونداي – اق 2 جاستان 6 جاسقا دەيىنگى بالالاردى مەكتەپكە دەيىنگى بىلىممەن قامتۋدى 2025 جىلعا قاراي 95% - عا دەيىن جەتكىزۋ جوسپارلانۋدا (بۇگىندە 2 جاستان 6 جاسقا دەيىنگى بالالاردى قامتۋ-71،2%)»، دەپ جازدى اسقار مامين دەپۋتاتتىق ساۋالعا بەرگەن جاۋابىندا.

ونىڭ ايتۋىنشا، وسى ماقساتتا ۇكىمەت وڭىرلەردىڭ الدىنا مەملەكەتتىك ءبىلىم بەرۋ تاپسىرىسىن ورنالاستىرۋ، ۆاۋچەرلىك قارجىلاندىرۋدى ەنگىزۋ جانە مەكتەپكە دەيىنگى تاربيە ۇيىمدارىنىڭ بالامالى نىساندارى ارقىلى جەكە بالاباقشالار جەلىسىن دامىتۋ مىندەتىن قويدى.

«2021 جىلى 32 مىڭعا جۋىق جاڭا ورىن اشۋ جوسپارلانعان، ونىڭ ىشىندە الماتى وبلىسىندا – 8000 ورىن، تۇركىستان وبلىسىندا – 4000 ورىن. 2025 جىلعا قاراي 278 مىڭنان استام جاڭا ورىن پايدالانۋعا بەرىلەدى. ادىستەمەگە سايكەس 10،5 ساعاتتىق بولۋ رەجيمى بار توپتار ءۇشىن جان باسىنا شاققانداعى ءنورماتيۆتىڭ ورتاشا مولشەرى 38 256 (قالا) جانە 41 053 (اۋىل)، تۇزەتۋ توپتارى ءۇشىن 67 508 (قالا) جانە 74 125 (اۋىل) قۇرايدى. جان باسىنا شاققانداعى نورماتيۆكە ەڭبەكاقى تولەۋ قورىنا، وقۋ ماتەريالدارىنا، كورنەكى قۇرالدار مەن ويىنشىقتارعا، كوممۋنالدىق قىزمەتتەرگە، بايلانىس جانە ينتەرنەت قىزمەتتەرىنە اقى تولەۋگە، عيماراتتاردى ۇستاۋ مەن ولارعا قىزمەت كورسەتۋگە جانە ت.ب. شىعىستار ەنگىزىلگەن»، دەپ تۇيىندەدى پرەمەر-مينيستر.

سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار