«الەۋمەتتىك مەديتسينالىق ساقتاندىرۋ قورى» كەاق بقو بويىنشا فيليالىنىڭ ديرەكتورى نۇرجامال جۇماعۇلوۆانىڭ وڭىرلىك كوممۋنيكاتسيالار قىزمەتى الاڭىندا وتكەن بريفينگىدە ءمالىم ەتكەنىندەي, كوۆيدتەن ەمدەۋ ءۇشىن امبۋلاتوريالىق-دارىلىك قامتاماسىز ەتۋگە 5 پرەپارات ەنگىزىلدى.
اتالعان ءدارى-دارمەكپەن وتكەن جىلى 47,7 ملن تەڭگەگە 19768 پاتسيەنت قامتىلدى.
نۇرجامال شامعونقىزىنىڭ سوزىنە قاراعاندا, كوروناۆيرۋسقا شالدىققان 17328 ناۋقاس 2,1 ملرد تەڭگەگە ەم الدى.
بارلىعى 50087 پتر-دياگنوستيكاعا 489 ملن تەڭگە تولەندى. 19054 ءموبيلدى بريگادانىڭ شىققانى ءۇشىن 116 ملن تەڭگە جۇمسالدى.
بارلىق قارجى نەگىزىنەن ىندەتپەن كۇرەسكە باعىتتالعانىمەن, مەديتسينالىق قىزمەت كورسەتۋ, وڭالتۋ جۇمىستارى دا جالعاسىن تاپتى.
مىسالى, 2965 ەمدەلۋشى مىندەتتى الەۋمەتتىك مەديتسينالىق ساقتاندىرۋ اياسىندا تاۋلىك بويى ستاتسيونارلاردا 608,9 ملن تەڭگەنىڭ مەديتسينالىق وڭالتۋ قىزمەتىن الدى.
جوسپارلى تۇردە ستاتسيونارلاردا 70631 پاتسيەنت 7,49 ملرد تەڭگەگە ەمدەلدى, 11,8 مىڭ ادام بوسانسا (1,22 ملرد تەڭگە), 3,4 ملرد تەڭگەگە 15,4 مىڭ وتا جاسالدى.
«مىندەتتى الەۋمەتتىك مەديتسينالىق ساقتاندىرۋ جۇيەسىن ىسكە قوسۋداعى وزەكتى ماسەلەنىڭ ءبىرى – ازاماتتاردى ساقتاندىرۋ. «ساقتاندىرۋ» بازاسىنىڭ دەرەكتەرى بويىنشا بيىلعى 1 ناۋرىزدا وبلىستا ساقتاندىرىلعان حالىقتىڭ سانى 84,2 پايىز بولسا, ساقتاندىرىلماعانداردىڭ ۇلەس سانى 15,8 پايىز نەمەسە 108491 ادامدى قۇراپ وتىر. وتكەن جىلدىڭ شىلدە ايىندا ساقتاندىرىلماعانداردىڭ ۇلەس سانى 22,4 پايىز بولعان ەدى. بۇل جەرگىلىكتى اتقارۋشى ورگاندارمەن بىرلەسە جۇرگىزىلىپ جاتقان جۇمىستاردىڭ وڭ ناتيجە بەرىپ وتىرعانىن كورسەتەدى», دەدى ن.جۇماعۇلوۆا.
