كومەككە مۇقتاج وتباسىلارىن جان-جاقتى قولداۋ ماقساتىندا, 2019 جىلدىڭ تامىز ايىنان باستاپ الماتى قالاسىنىڭ ءار اۋدانىندا ء«بىر تەرەزە» قاعيداتى بويىنشا «باقىتتى وتباسى» ورتالىقتارى جۇمىس اتقارىپ كەلەدى. بۇگىنگى كۇنى قالانىڭ ءار اۋدانىندا ورنالاسقان 9 ورتالىقتىڭ ەسىگى اشىق.
بيىلعى 15 قاڭتاردا «باقىتتى وتباسى» قالالىق ورتالىعىنىڭ قىزمەتىن جۇزەگە اسىرۋ ماقساتىندا «داعدارىس ورتالىقتارىنىڭ وداعى» زاڭدى تۇلعالار بىرلەستىگىمەن كەلىسىم-شارت جاسالدى. بيىلعى جىلدىڭ 7 اقپانىنان باستاپ اۋداندىق ورتالىقتاردىڭ قىزمەتىن جۇزەگە اسىرۋ ءۇشىن «AQ-ALEM – انالاردىڭ قۇقىعىن قورعاۋ» قق-مەن (الاتاۋ اۋدانى), ء«بىلىم بەرۋ تەحنولوگيالارى مەن باستامالارى قورى» قق-مەن (المالى اۋدانى), «اسىل جۇرەك ءبىلىمدى, دەنساۋلىق ساقتاۋدى, مادەنيەت جانە سپورتتى قولداۋ ورتالىعى» قق-مەن (اۋەزوۆ اۋدانى), «كەڭەس» مقب-مەن (بوستاندىق اۋدانى), «زيالىلار» قق-مەن (جەتىسۋ اۋدانى), «ISKER قولداۋ ورتالىعى» قق-مەن (مەدەۋ اۋدانى), «قازاق-گەرمان باعدارلاماسى تۇلەكتەرىنىڭ قاۋىمداستىعى» قب-مەن (ناۋرىزباي اۋدانى) جانە «تۇركسىب اۋداندىق كوپ بالالى وتباسىلار وداعى» قب-مەن (تۇركسىب اۋدانى) كەلىسىمشارتتار جاسالدى.
بۇل ورتالىقتاردا كوپ بالالى جانە از قامتىلعان وتباسىلار كەلەسى مامانداردىڭ كەڭەستەرىن تەگىن تۇردە الا-الادى:
- زاڭگەرلەردىڭ تۇرعىن ءۇي قاتىناستارى, ااك تىركەۋ, قۇجاتتاردى قالپىنا كەلتىرۋ, اليمەنتتەر جانە ت.ب سۇراقتارى بويىنشا;
- پسيحولوگتاردىڭ بالالاردى تاربيەلەۋ, ترەنينگتەر وتكىزۋ, قيىن ومىرلىك جاعدايدان شىعۋ, وتباسى ىشىندەگى جانجالداردى شەشۋ جانە ت.ب ماسەلەلەر بويىنشا;
- الەۋمەتتىك قىزمەتكەرلەردىڭ وتباسىنىڭ قاجەتتىلىكتەرىن انىقتاۋ, جەكە جۇمىس جوسپارىن قۇرۋ جانە ت.ب;
- 2 ايدان باستاپ 5 جاسقا دەيىن بالالاردى قابىلدايتىن جوعارى ساناتتى پەدياتر جانە بالالاردىڭ دەنساۋلىعىنا بايلانىستى ءجيى كەزدەسەتىن ماسەلەلەر بويىنشا پروفيلاكتيكالىق اڭگىمەلەر (ديارەيا, بەزگەك, قۇلاق, تاماق كەسەلدەرى).
سونىمەن قاتار, «باقىتتى وتباسى» ورتالىقتارىندا: (اعىلشىن ءتىلىن ۇيرەنۋ, ۆيزاج, ماسساج, شاشتاراز, ءپىشۋ جانە تىگۋ, گيمناستيكا, اسپازدىق, توقىما, تىگىن سومكەلەرى, كومپيۋتەرلىك بىلىكتىلىك جانە ت.ب) كۋرستار, ءتۇرلى باعىتتار بويىنشا بالالارعا ارنالعان ۇيىرمەلەر (ارت-تەراپيا, گيمناستيكا, ماتەماتيكا جانە لوگيكا, شاحمات, اعىلشىن, توقۋ, لوگوپەد قىزمەتى) كۋرستارى تەگىن تۇردە وتكىزىلەدى.
وسى ۋاقىتقا دەيىن «باقىتتى وتباسى» ورتالىقتارىندا 33 مىڭنان استام ادام تىركەلىپ, 54 مىڭ ادامعا – اقپاراتتىق-كەڭەستىك كومەك جانە رەسۋرستىق قولداۋ كورسەتىلدى, 29 مىڭ ادامعا – ادىستەمەلىك جانە زاڭگەرلىك كومەك, 4 مىڭ ادامعا – سالاۋاتتى ءومىر سالتى بولمەسىنىڭ قىزمەتى ۇسىنىلعان. 29 مىڭ ادام – «باقىتتى وتباسى» ورتالىعىنىڭ بازالىق ترەنينگتەرىنەن ءوتتى, 20 مىڭنان استام ادام وقىتۋ كۋرستارىنان وتكەن كورىنەدى.
