9 ناۋرىزدا مەملەكەت باسشىسى قاسىم-جومارت توقاەۆتىڭ جارلىعىمەن ەلىمىزدىڭ 2025 جىلعا دەيىنگى دامۋىنىڭ ۇلتتىق جوسپارى بەكىتىلگەن ەدى.
«مەملەكەتتىك ستراتەگيالىق جوسپارلاۋ جۇيەسىنىڭ نەگىزىن قالاۋشى تارماعى – تۇڭعىش پرەزيدەنت – ەلباسىنىڭ «قازاقستان – 2050» ستراتەگياسىندا بەلگىلەنگەن مىندەتتەردى ىسكە اسىرۋ بولىپ وتىر. ستراتەگيانى دامىتۋدا ورتا مەرزىمدى ستراتەگيالار قابىلدانادى. ولاردىڭ ءبىرى – ۇلتتىق دامۋ جوسپارى بولادى. ۇلتتىق دامۋ جوسپارىنىڭ ناقتى باسىمدىقتارى بولۋى ءۇشىن پرەزيدەنت جارلىعى قابىلداندى, وندا جالپىۇلتتىق باسىمدىقتار كورسەتىلدى. جالپىۇلتتىق باسىمدىقتار – ەكونوميكانى, ءبىزدىڭ الەۋمەتتىك سالامىزدى دامىتۋدىڭ نەگىزگى باعىتتارىنىڭ ارنايى تىزبەسى, ولار الداعى بەس جىلعا قانداي ماقساتتار قوياتىنىمىزدى, وعان قالاي قول جەتكىزەتىنىمىزدى جانە قانداي دا ءبىر باعىتقا جەكە جاۋاپتى بولاتىنىمىزدى انىق ءتۇسىنۋ ءۇشىن قاجەت», دەدى قايرات كەلىمبەتوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
سپيكەر جوسپار اياسىندا مەملەكەتتىك ورگانداردىڭ جاڭا جۇيە بويىنشا قاشان جۇمىس ىستەيتىنىن ايتتى.
«وزگەرىستەر اياسىندا كوپتەگەن قۇجاتتار قىسقارتىلدى جانە تۇتاستاي العاندا, جۇيەنىڭ ءوزى شاعىن ءارى قونىمدى بولدى. ءبىز قازىر مەملەكەتتىك ورگاندار جاڭا جۇيەگە كوشەتىن جولدىڭ باسىندا تۇرمىز. كوشۋ جىل سوڭىنا دەيىن اياقتالادى. ال نەگىزگى بولىگى – ۇلتتىق جوبالارعا, جاڭا بيۋدجەتتىك باعدارلامالارعا كوشۋ 1 قىركۇيەككە دەيىن اياقتالادى», دەدى ق.كەلىمبەتوۆ.
ايتا كەتەيىك, ەلىمىزدىڭ 2025 جىلعا دەيىنگى دامۋىنىڭ ۇلتتىق جوسپارىندا ەلىمىزدىڭ جاڭا ەكونوميكالىق باعىتىنىڭ نەگىزگى مىندەتتەرى مەن پارامەترلەرى ايقىندالعان.
