ايماقتار • 17 ناۋرىز، 2021

«مەن مۇنداي پوليتسيانى ەش جەردەن كورمەدىم...»

1529 رەت كورسەتىلدى

تۇركيالىق ازامات سولتۇستىك قازاقستان پوليتسەيلەرىنە وسىلاي تاڭعالىپ، العىسىن جەتكىزدى.

ول پەتروپاۆلدان «Volvo» اۋىر جۇك كولىگىمەن تۇركياعا 20 توننا زىعىر اكەتىپ بارا جاتىپ، اۋىر ازاپقا تۇسەدى. سولتۇستىكتىڭ ساقىلداعان سارى ايازىندا اۆتوكولىكتىڭ اۋا سۇزگىسى ىستەن شىعادى. كەشىكپەي كابي­نانىڭ ءىشى مۇزداي باستايدى. مۇنداي سۋىق­تى كورمەگەن، وعان قارسى ارەكەت ەتۋگە ما­شىقتانباعان جىلى جەردىڭ جىگىتى ومىردەن تۇڭىلە باستايدى. ءتىپتى كومەك سۇراپ توقتاتقان كولىكتەرگە دە جاعدايىن قازاق نەمەسە ورىس تىلىندە تۇسىندىرە المايدى. وسىلاي ابدەن قينالعان شاعىندا وعان كومەككە سولتۇستىك قازاقستان پوليتسيا دەپارتامەنتى پاترۋلدىك پوليتسيا باتالونىنىڭ قىزمەتكەرلەرى قانات تەڭىزباەۆ پەن سامات دانياروۆ كەلەدى. ولار مامليۋتكا-قوستاناي تاس جولىندا پاترۋلدىك ەتىپ جۇرگەن ەكەن. جولدىڭ 102 شاقىرىمىندا تۇرىپ قالعان «Volvoنى» ولار الىستان بايقاپ، جاعدايىن بىلمەككە كەلگەن.

ءتىسى تىسىنە تيمەي دىردەكتەگەن تۇرىك ازاماتى ولارعا دا جاعدايىن تولىق تۇسىندىرە المايدى. ەكى جىگىت ونى وزدەرىنىڭ ماشيناسىنىڭ جىلى سالونىنا ەنگىزىپ، تەرموستان ىستىق كوفە قۇيىپ، بويىن جىلىتىپ، تەلەفونداعى ونلاين-اۋدارماشىنىڭ كومەگىمەن تۇرىپ قالعان سەبەبىن بىلگەن. ىستەن شىققان اۋا سۇزگىسىن پوليتسەيلەر فوتوعا ءتۇسىرىپ، ۆاتساپپەن پەتروپاۆلداعى تانىستارىنا جولدايدى. ولار تاكسي جۇرگىزۋشىسىنەن جاڭا سۇزگىنى بەرىپ جىبەرەدى.

ال بۇل ۋاقىتتا تۇركيا ازاماتىن پولي­تسەيلەردىڭ ءوتىنىشى بويىنشا وقيعا ورنىنا كەلگەن تج قىزمەتكەرلەرى قوناقۇيگە اپارىپ، جىلى جەرگە تۇنەتەدى. ونىڭ جولدا تۇرعان جۇك كولىگىن ءتارتىپ ساقشىلارى ءتۇنى بويى قا­داعالاپ جۇرەدى.

قانات تەڭىزباەۆ پەن سامات دانياروۆ كەلەسى كۇنى تاڭەرتەڭ شەتەلدىك قوناققا جاڭا سۇزگىنى ورناتۋعا كومەكتەسەدى. ءسويتىپ ونى ساۋ-سالامات جولعا سالىپ جىبەرەدى. تۇرىك جىگىتى العىسىن جاۋدىرىپ اتتانعان. ال پوليتسيا دەپارتامەنتىنە اعىلشىنشا جازعان حاتىندا ول: «مەن قانشاما جولدا ءجۇرىپ مىناداي پوليتسيا قىزمەتكەرلەرىن ەشقاشان كەز­دەستىرمەدىم. تەز كومەككە كەلەدى دەپ كۇت­پە­گەن دە ەدىم. شەكسىز العىس بىلدىرەمىن!» دەپتى.

ء«بىز قالا سىرتىنداعى جولدارعا قىزمەت كورسەتۋ كەزىندە باتالون قىزمەتكەرلەرىنىڭ قيىن جاعدايعا تاپ بولعان بارلىق ادامعا كومەك كورسەتۋىن تاپسىرامىز. ادامدار تاراپىنان بىلدىرىلگەن العىس — قىزمەتكەرلەردىڭ قۇقىقتىق ءتارتىپ پەن ادامداردىڭ قاۋىپسىزدىگىن قامتاماسىز ەتۋدەگى مىندەتتەرىن ويداعىداي ورىنداعانىنا بەرىلگەن باعا»، دەيدى وبلىستىق پوليتسيا دەپارتامەنتى پپب كومانديرى، پوليتسيا پودپولكوۆنيگى ەرلان ماديەۆ.

ءسويتىپ سولتۇستىك قازاقستان پد پاترۋل­دەرى ءبىر ادامدى اجالدان اراشالاپ، تۋعان جە­رىنە امان اتتاندىرىپ جىبەردى. شىن قي­نالعان ادامداردىڭ ايتقان العىسىنان ارتىق قانداي سىي بولۋشى ەدى...

 

سولتۇستىك قازاقستان وبلىسى

 

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار