«وبليگاتسيالارى قازاقستان قور بيرجاسىنىڭ رەسمي تىزىمىندە تۇرعان «بايتەرەك» ۇلتتىق باسقارۋشى حولدينگى» اق (نۇر-سۇلتان) قازاقستان قور بيرجاسىنا (KASE), 2021 جىلدىڭ 15 ناۋرىزىنداعى جالعىز اكتسيونەرىنىڭ شەشىمدەرى تۋرالى حابارلادى. جالعىز اكتسيونەرى بىرنەشە شەشىم قابىلدادى», دەلىنگەن اقپاراتتا.
اتالعان شەشىمدەردىڭ قاتارىندا «بايتەرەك» ۇلتتىق باسقارۋشى حولدينگىنە «قازاگرو» ۇلتتىق باسقارۋشى حولدينگتى قوسۋ ارقىلى حولدينگتى قايتا قۇرۋ, «قازاگرو» ۇلتتىق باسقارۋشى حولدينگى» اق ورنالاستىرىلعان اكتسيالارى سانى شەگىندە 585 352 214 دانا اكتسيالارىن ءبىر اكتسياعا 366,85 تەڭگەدەن «بايتەرەك» ۇلتتىق باسقارۋشى حولدينگى» اكتسيونەرلىك قوعامىنا ساتۋ بار. جالپى, جالعىز اكتسيونەر بارلىعى 12 ماسەلە بويىنشا شەشىم قابىلداعان.
وسىلايشا, «بايتەرەك» حولدينگىنىڭ قۇرامىنا بۇرىنعى «قازاگرونىڭ» ءۇش ەنشىلەس ۇيىمى – «اگرارلىق نەسيە كورپوراتسياسى» اق, «قازاگروقارجى» اق جانە «اۋىل شارۋاشىلىعىن قارجىلاي قولداۋ قورى» اق كىردى.
