باپكەر, قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى بولدى. رەسپۋبليكالىق جارىستاردا, ازيا چەمپيوناتتارىندا, حالىقارالىق جارىستاردا تورەلىك ەتۋ دارەجەسىنە ساتىلاپ جەتىپ, 2011 جىلى الەمدەگى حالىقارالىق وليمپيادا دارەجەسىندەگى 50 تورەشىنىڭ قاتارىنا ەندى. وليمپيادا دارەجەسىندەگى تورەشىلەر سپورت الەمىندەگى ەڭ جوعارعى ەليتا. بۇل دارەجەگە لايىقتىلاردى FILA بەكىتەدى. دەمەك, بۇل ەلىمىزدىڭ ۇلكەن جەتىستىگى, ماقتانىشى دەسەك تە بولادى. سپورتتىڭ «گرەك-ريم, ەركىن جانە ايەلدەر كۇرەس» تۇرلەرىنەن قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى.
2012 جىلى وتكەن لوندون جانە ريو-2016 وليمپيادالارىندا تورەشىلىك ەتكەن.
العاشقى قىزمەت جولى 1999 جىلى شىمكەنت قالاسىنداعى №5 بالالار مەن جاسوسپىرىمدەردىڭ مامانداندىرىلعان سپورت مەكتەبىندە اعا جاتتىقتىرۋشى بولۋدان باستالعان. كەيىننەن وقو جەكپە-جەك تۇرلەرىنەن جوعارى سپورت شەبەرلەر مەكتەبىنىڭ ەركىن كۇرەس ءبولىمىنىڭ اعا جاتتىقتىرۋشىسى بولىپ تاعايىندالدى.
2013 جىلدان بەرى شىمكەنت قالاسىنىڭ دەنە شىنىقتىرۋ جانە سپورت باسقارماسىنا قاراستى ءلاززات تاجيەۆا اتىنداعى №4 وليمپيادا رەزەرۆىنىڭ مامانداندىرىلعان بالالار-جاسوسپىرىمدەر سپورت مەكتەبىنىڭ ديرەكتورى قىزمەتىن ابىرويمەن اتقارىپ كەلەدى.
اتالعان مەكتەپتە بالالاردى سپورتتىڭ 10 ءتۇرى بويىنشا باۋليدى. سپورت ويىندارىنان – گاندبول, ۆولەيبول, باسكەتبول, ينتەللەكتۋالدىق ويىن تۇرلەرىنەن – شاحمات, دويبى, توعىزقۇمالاق, جەكپە-جەك تۇرلەرىنەن – قازاق كۇرەسى, بەلبەۋ كۇرەسى, بوكس جانە اۋىر اتلەتيكا.
باقىتجان جاقسىقۇلوۆ مەكتەپتە بۇگىنگى تاڭدا 848 سپورتشى بار, ونىڭ ىشىندە 1 گروسسمەيستەر, 4 حالىقارالىق دارەجەدەگى سپورتشى, 21 سپورت شەبەرى, 85 سپورت شەبەرىنە ۇمىتكەر, 398 ءار ءتۇرلى سپورتتىق ساناتتاعى سپورتشىلار جانە العاشقى توپتاعى سپورتشىلار جاتتىعۋدا. سپورت مەكتەبىمىزدە قازاقستانعا ەڭبەك سىڭىرگەن, جوعارى ساناتتاعى جانە ءبىرىنشى جوعارعى ساناتتاعى جاتتىقتىرۋشىلار قىزمەت ەتىپ جاتقانىن ايتتى.
«تورەشىلىك ەتۋ – قاتەلىكتى كەشىرمەيدى. سەبەبى ول تورەشىنىڭ ابىرويىنا نۇقسات كەلتىرە وتىرا, سپورتشىنىڭ دا ساعىن سىندىرادى» دەيدى سۋپەرۆايزەر.
بۇگىندە باپكەردىڭ باۋلىعان سپورتشىلارى ءتۇرلى الەمدىك دودالاردا توپ جارىپ ءجۇر. «ەرەن ەڭبەگى ءۇشىن» مەدالىمەن جانە ءتۇرلى ءتوس بەلگى, گراموتالارمەن ماراپاتتالعان.
