ءبىراز ۋاقىتتان بەرى قايتالاما شيكىزات كوممۋنالدىق قۇرىلىستا جانە ازاماتتىق قۇرىلىستا قاۋىپسىز قولدانىلىپ كەلەدى. بۇگىنگى تاڭدا بۇل تاجىريبە قازاقستاننىڭ بەلگىلى ءبىر وڭىرلەرىندە ءساتتى قولدانىلۋدا. ماسەلەن, ەكولوگيا, گەولوگيا جانە تابيعي رەسۋرستار مينيسترلىگىنىڭ مالىمەتى بويىنشا, وتكەن جىلى قوستاناي وبلىسىنداعى ەكولوگيا دەپارتامەنتى قۇرىلىس وبەكتىلەرىنە ونەركاسىپتىك قالدىقتاردى تارتۋ جۇمىستارىن جۇرگىزدى. سونىڭ ناتيجەسىندە سوڭعى ەكى جىلدا وبلىس بويىنشا ونەركاسىپتىك قوقىس كولەمى 15%-عا ازايدى. ەگەر 2019 جىلى بۇل كورسەتكىش 287,8 ملن توننانى قۇراسا, 2020 جىلى كورسەتكىش 43,2 ملن تونناعا تومەندەدى. بۇل – وسى ءوڭىردىڭ ەكولوگياسى ءۇشىن وڭ وزگەرىس.
كوممۋنالدىق قالدىقتاردى قايتا وڭدەۋ قازاقستاندىقتار ءۇشىن شەتەلدىك نوۋ-حاۋ ەمەس. بۇگىندە قوستاناي وبلىسىنىڭ اۋماعىندا پلاستيك, شىنى, قاعاز, قاڭىلتىر بۇيىمدارىن بولەك جيناۋعا ارنالعان مىڭنان استام كونتەينەر ورناتىلدى. تەك وتكەن جىلدىڭ وزىندە وندا 1 500 توننادان استام پايدالانىلعان شيكىزات جينالىپ, قايتا وڭدەۋگە بەرىلدى. سونىمەن قاتار قازىر قوستانايدا قۋاتتىلىعى جىلىنا 30 تونناعا دەيىن بولاتىن پوليمەرلىك قالدىقتاردى قايتا وڭدەۋ تسەحى جۇمىس ىستەيدى. ارنايى تەحنولوگيا بويىنشا قالدىقتاردان كارىز ليۋكتەرى شىعارىلادى جانە بولاشاقتا تاس توسەمدەر مەن پليتكالار شىعارىلادى.
2020 جىلى قوستاناي وبلىسى «قازاقستان عارىش ساپارى» ۇك» اق سپۋتنيكتىك زوندتاۋ ارقىلى قوقىس ۇيىندىلەرىنىڭ بار-جوعى زەرتتەلدى. سپۋتنيك سۋرەتتەرىنىڭ كومەگىمەن 538 رۇقسات ەتىلمەگەن قوقىس ورىندارى انىقتالدى, ونىڭ كوبى جويىلدى.
قاۋىپتى قالدىقتاردى رەتتەۋ كوپتەگەن وبلىستىڭ پروبلەماسى ەكەنى بەلگىلى. ناۋىرزىم اۋدانىندا بۇل پروبلەما ۋلى قالدىقتار مەن ۋلى حيميكاتتاردىڭ باسىم بولىگى ورنالاسقان مامانداندىرىلعان قويما سالۋ ارقىلى شەشىلدى. دەپارتامەنتتىڭ قولداۋىمەن ەكولوگيالىق تازا تەحنولوگيالاردى ەنگىزۋ ماقساتىندا دەمەركۋريزاتسيا – قۇرامىندا سىنابى بار پايدالانىلعان شامداردى جيناۋ ءۇشىن كونتەينەرلەر ورناتىلدى. سونداي-اق مەديتسينالىق قالدىقتاردى قايتا وڭدەۋ جوباسى ءساتتى ىسكە اسىرىلدى. وسىنىڭ بارلىعى قوستاناي ءوڭىرىنىڭ بارلىق ەلدى مەكەندەرىندەگى قورشاعان ورتانىڭ جاعدايىن جاقسارتۋعا مۇمكىندىك بەردى.
سونىمەن قاتار قورشاعان ورتانى كاسىپورىنداردىڭ قالدىقتارىنان تازارتۋ جۇمىستارىنا كوپ ءمان بەرىلەدى. جاقىندا ماڭعىستاۋ وبلىسىندا مۇناي قالدىقتارىمەن لاستانعان 10 پوليگون تولىقتاي تازارتىلدى. بۇل تۋرالى ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ Twitter پاراقشاسىندا جازدى.
«ەكولوگيالىق ماڭىزى زور جۇمىستى مينيسترلىك پەن «قازمۇنايگاز» ۇك» اق اراسىنداعى قورشاعان ورتانى قورعاۋ سالاسىنداعى ىنتىماقتاستىق تۋرالى مەموراندۋم اياسىنداعى جۇزەگە اسىردىق. كەڭەس كەزەڭىنەن بەرى مۇندا مۇناي قالدىقتارىمەن لاستانعان جەرلەر 47 گەكتارعا جەتكەنىن اتاپ ءوتۋىمىز كەرەك. كومپانيا سونىڭ ازىرگە 6 گەكتارىن, ياعني 350 مىڭ توننا توپىراقتى تازارتتى», دەپ حابارلادى مينيستر.
ونىڭ سوزىنشە, ەندى توپىراعى قايتا وڭدەلگەن اۋماق مەملەكەتتىك باقىلاۋ ورگاندارىنىڭ قاراۋىندا بولماق. «قازمۇنايگاز» 2024 جىلعا دەيىن مۇنايمەن ب ۇلىنگەن جەرلەردى تولىق قالپىنا كەلتىرىپ بەرۋگە ۋادە ەتىپ وتىر.
