بالقاش اۋدانىنىڭ ءتارتىپ ساقشىلارى وراقبالعا اۋىلىنىڭ ماڭىنداعى كولدەردىڭ بىرىنەن رۇقساتسىز بالىق اۋلاعان ەكى تۇرعىندى ۇستادى. قولدانىستاعى زاڭ تالابىن ورەسكەل بۇزعان ەكى تۇرعىننان بالىقتارمەن قاتار, پلاستيكالىق اۋ تاركىلەندى.
– “ىلە – بالقاش” تابيعي رەزەرۆاتىنىڭ ينسپەكتورلارىمەن بىرلەسە وتىرىپ, بالقاش كولىنىڭ ماڭىنداعى كولدەردىڭ بىرىنەن 41 جانە 43 جاستاعى ەكى تۇرعىن ۇستالدى. ولاردىڭ بالىق اۋلاۋ ءۇشىن زاڭمەن تىيىم سالىنعان پلاستيكالىق اۋدى پايدالانعانى انىقتالدى. قازىرگى ۋاقىتتا اتالعان دەرەك بويىنشا قر قىلمىستىق كودەكسىنىڭ 335-بابىنا (بالىق رەسۋرستارىن, باسقا دا سۋ جانۋارلارىن نەمەسە وسiمدiكتەرىن زاڭسىز الۋ) سايكەس سوتقا دەيىنگى تەرگەۋ امالدارى جۇرگىزىلۋدە, – دەدى بالقاش اۋدانىنىڭ پب جەرگىلىكتى پوليتسيا قىزمەتى بولىمشەسىنىڭ باستىعى ازامات ابدراحمانوۆ.
ءتارتىپ ساقشىلارى تاركىلەگەن سينتەتيكالىق اۋلاردى ورتەپ جىبەرسە, 60 كەلىدەن استام ءتۇرلى بالىقتى ارنايى قابىلداۋ ورىندارىنا وتكىزدى.
تابيعات قورعاۋ قىزمەتكەرلەرى قوس تۇرعىننىڭ مەملەكەتكە كەلتىرگەن ماتەريالدىق شىعىندارىن ەسەپتەۋدە.
