سەمينار جۇمىسىنا حولدينگ باسشىلىعى, سونداي-اق ايماقتىق فيليالداردىڭ وكىلدەرى قاتىستى.
ايتا كەتۋ كەرەك, كۆازيمەملەكەتتىك كومپانيالاردا سىبايلاس جەمقورلىققا قارسى كومپلاەنستى ەنگىزۋ بويىنشا مىندەت وتكەن جىلدىڭ سوڭىنان باستاپ زاڭنامالىق دەڭگەيدە ەنگىزىلدى جانە كورپوراتيۆتىك ادالدىق ستاندارتتارىنىڭ ساقتالۋىن باقىلاۋدى كوزدەيدى.
ءىس-شارا بارىسىندا اگەنتتىكتىڭ پاراساتتىلىق دەپارتامەنت ديرەكتورىنىڭ ورىنباسارى نۇرسۇلتان بەكينوۆ كومپلاەنس-قىزمەتتەردى ەنگىزۋ بويىنشا ينستيتۋتسيونالدىق بازا زاڭنامالىق تۇردە قۇرىلعانىن, ونى دامىتۋ بويىنشا ادىستەمەلىك ۇسىنىمدار ازىرلەنگەنىن اتاپ ءوتتى.
وسىلايشا, نۇرسۇلتان بەكينوۆ قورداعى سىبايلاس جەمقورلىققا قارسى كومپلاەنس بويىنشا, ونىڭ ىشىندە كادرلاردىڭ بىلىكتىلىگىن تۇراقتى ارتتىرۋ بويىنشا جۇمىستى كۇشەيتۋگە شاقىردى.
نۇرسۇلتان بەكينوۆ كومپلاەنس-قىزمەتتەردىڭ نەگىزگى باسىمدىقتارى سىبايلاس جەمقورلىققا قارسى مونيتورينگ جۇرگىزۋ جانە سىبايلاس جەمقورلىق تاۋەكەلدەرىن انىقتاۋ, مۇددەلەر قاقتىعىسىن رەتتەۋ, سىبايلاس جەمقورلىققا قارسى شەكتەۋلەردى ساقتاۋ بولۋى ءتيىس ەكەنىن اتاپ ءوتتى.
مەملەكەتتىك باسقارۋ اكادەمياسىنىڭ سىبايلاس جەمقورلىققا قارسى زەرتتەۋلەر جانە كومپلاەنس ورتالىعىنىڭ باسشىسى جانار رىسبەكوۆا سىبايلاس جەمقورلىققا قارسى كومپلاەنس جۇيەسىن قۇرۋ پروتسەسىندە ISO 37001 «پاراقورلىقپەن كۇرەس مەنەدجمەنتى جۇيەسى» حالىقارالىق ستاندارتىن ەنگىزۋ الەۋەتىن اتاپ ءوتتى.
ءوز كەزەگىندە قور باسقارما توراعاسىنىڭ ورىنباسارى راقىمجان تولەباەۆ قور سىبايلاس جەمقورلىقتىڭ الدىن الۋ, ونىڭ ىشىندە قوردا سىبايلاس جەمقورلىققا قارسى مادەنيەتتى قالىپتاستىرۋ, سىبايلاس جەمقورلىق قۇقىق بۇزۋشىلىقتاردى جاساۋعا ىقپال ەتەتىن سەبەپتەر مەن جاعدايلاردى انىقتاۋ جانە جويۋ بويىنشا باقىلاۋ فۋنكتسيالارىن ەنگىزۋ ارقىلى سىبايلاس جەمقورلىققا قارسى ءىس-قيمىل بويىنشا بەلسەندى جۇمىس جۇرگىزىپ جاتقانىن اتاپ ءوتتى.
راحىمجان تولەباەۆ قوردىڭ كومپلاەنس-قىزمەتتى ودان ءارى دامىتۋعا جانە قىزمەتكەرلەردى وقىتۋعا مۇددەلى ەكەنىن اتاپ ءوتتى.
ءىس-شارا سوڭىندا كەڭەسكە قاتىسۋشىلاردىڭ تۋىنداعان سۇراقتارىنا اگەنتتىك جانە اكادەميا وكىلدەرى تولىق جاۋاپ بەردى.
