سەناتورلار پالاتانىڭ الداعى وتىرىسىندا «2005 جىلعى 25 قاراشاداعى تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ اۆتوكولىك قۇرالدارىن جىمقىرۋعا قارسى كۇرەستەگى جانە ولاردى قايتارۋدى قامتاماسىز ەتۋدەگى ىنتىماقتاستىعى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن قارايدى.
بۇل قۇجات راتيفيكاتسيالانعاندا ءبىزدىڭ ەلىمىزگە تمد ەلدەرىنىڭ اقپاراتتىق دەرەكقورلارىنان اۆتوكولىك تۋرالى مالىمەتتەردى جەدەل الۋعا مۇمكىندىك تۋادى. سونداي-اق بىرىڭعاي اقپاراتتىق بازا ارقىلى مالىمەت الماسۋ جۇزەگە اسادى, وندا اۆتوكولىكتىڭ ەسەپتەن شىعارىلعانى, مەملەكەتتىك شەكارانى كەسىپ وتكەنى, زاقىمدارى جانە ت.ب. اقپارات سالىناتىن بولادى. وسىلايشا, تمد-عا قاتىسۋشى ەلدەردىڭ اۆتوكولىك ۇرلىعىنا قارسى كۇرەس جانە ولاردى قايتارۋدى قامتاماسىز ەتۋ بويىنشا بىرلەسكەن ءىس-قيمىلدارى كۇشەيە تۇسەدى.
سەنات دەپۋتاتتارى سونداي-اق «ەۋرازيالىق ەكونوميكالىق وداققا مۇشە مەملەكەتتەردىڭ تەمەكى ونىمدەرىنە اكتسيزدەر سالاسىنداعى سالىق ساياساتىن جۇرگىزۋ قاعيداتتارى تۋرالى كەلىسىمدى راتيفيكاتسيالاۋ تۋرالى» زاڭ جوباسىن دا تالقىعا سالادى.
وتىرىستىڭ كۇن تارتىبىنە سونداي-اق ەكى شارت - «قازاقستان رەسپۋبليكاسى مەن بولگاريا رەسپۋبليكاسى اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى» جانە "ەۋرازيالىق ەكونوميكالىق وداقتىڭ تاۋار بەلگىلەرى, قىزمەت كورسەتۋ بەلگىلەرى جانە تاۋارلار شىعارىلعان جەرلەردىڭ اتاۋلارى تۋرالى شارتتى راتيفيكاتسيالاۋ تۋرالى" زاڭ جوبالارى دا ەنگىزىلدى.
سەناتورلار سونىمەن قاتار «جاھاندانۋ داۋىرىندە ۇلتتىق قۇندىلىقتاردى دارىپتەۋ – رۋحاني جاڭعىرۋدىڭ نەگىزى» تاقىرىبى بويىنشا پارلامەنتتىك تىڭداۋعا دايىندىق ماسەلەلەرىن دە تالقىلادى.
بيۋرو وتىرىسى بارىسىندا ماجىلىستەن كەلىپ تۇسكەن بىرقاتار زاڭ جوبالارى سەناتتىڭ تۇراقتى كوميتەتتەرىنە ءبولىنىپ بەرىلدى.
