ايماقتار • 15 ناۋرىز، 2021

قاپشاعايداعى تۇبەكتىڭ ءبىر بولىگى ساتىلاتىنى راس پا؟

146 رەت كورسەتىلدى

الماتى وبلىسىنا قاراستى قاپشاعاي اكىمدىگى تۇبەكتىڭ ءبىر بولىگىن 340 ملن تەڭگەگە ساتۋ تۋرالى اقپاراتقا مالىمدەمە جاسادى، دەپ حابارلايدى Egemen.kz

قاپشاعايداعى 5 گەكتار تۇبەكتىڭ ءبىر بولىگى ساتىلىمعا شىعارىلعان. Krisha.kz سايتىندا نىسان 340 ميلليون تەڭگەگە ساتىلىمعا قويىلعان-دى. حابارلامادا تۇبەك جاعاجاي بيزنەسىن دامىتۋعا ارنالعانى جونىندە جازىلعان. ازىرگە اۋماقتا نىساندار سالىنا قويماعان.

الدىن الا دەرەكتەر بويىنشا جەر ۋچاسكەسى جەكە تۇلعاعا تيەسىلى ەكەن. وسىعان وراي اكىمدىكتىڭ ءباسپاسوز قىزمەتى مەملەكەتتىك جەر كاداسترى اقپاراتتىق جۇيەسىندە كورسەتىلگەن مالىمەتتەرمەن ءبولىستى. زاڭنامادىق نەگىزدەرگە سايكەس جەكە مەنشىكتەگى جەر ۋچاسكەسىنە قۇقىقتى يەلىكتەن شىعارۋ ازاماتتىق-قۇقىقتىق مامىلەلەر نەگىزىندە جۇرگىزىلەدى.

«قاپشاعاي اكىمدىگىنىڭ 2005 جىلعى 29 شىلدەدەگى قاۋلىسىمەن 5 گەكتار جەر ۋچاسكەسى جەكەمەنشىككە بەرىلدى. قازىرگى ۋاقىتتا 2017 جىلعى 21 ماۋسىمداعى جەر ۋچاسكەسىن ساتىپ الۋ-ساتۋ شارتى نەگىزىندە ازاماتتىڭ اتىنا تىركەلگەن»، دەپ حابارلادى اكىمدىك وكىلدەرى.

سوندىقتان جەر ۋچاسكەسىنىڭ مەنشىك يەسى مەملەكەتتىك ورگاندار رۇقساتىنسىز، ءوز قالاۋى بويىنشا جەر ۋچاسكەسىن يەلەنۋ، پايدالانۋ جانە وعان بيلىك ەتۋ قۇقىعىن جۇزەگە اسىرا الادى.

«ول ءوزىنىڭ جەر ۋچاسكەسىنە قاتىستى قازاقستاننىڭ زاڭنامالىق اكتىلەرىندە تىيىم سالىنباعان كەز كەلگەن مامىلەلەردى جاساۋعا قۇقىلى»، دەپ تولىقتىردى ۆەدومستۆو وكىلدەرى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار