جول ۋچاسكەلەرى بوران مەن قاتتى جەلدىڭ اسەرىنەن جولدا كورۋدىڭ ناشارلاۋى سەبەبىنەن 329 رەت جابىلدى. شەكتەۋلەر 78 مارتە – كوكتايعاق, 34 رەت – اۋا تەمپەراتۋراسىنىڭ تومەندەۋى مەن 98 مارتە – كورشىلەس وڭىرلەردەگى قوزعالىستىڭ شەكتەلۋىنە بايلانىستى ەنگىزىلدى. ايتا كەتۋ كەرەك, جول ۋچاسكەلەرىن جابۋ بويىنشا اقمولا كوش باستاپ تۇر. مۇندا بيىلعى جىلدىڭ ەكى ايىندا جولدار 111 رەت جابىلدى. ەكىنشى ورىندا شىعىس قازاقستان وبلىسى تۇر. اتالعان وڭىردە شەكتەۋلەر 66 مارتە ەنگىزىلدى.
جىل باسىنان بەرى جولشىلار بارلىعى 500-گە جۋىق كولىك قۇرالىنا كومەك كورسەتكەن بولاتىن. ولاردىڭ 109-ى جىلى بوكستەرگە ورنالاستىرىلدى. ال 800-دەن استام ادام «قازاقاۆتوجول» جشس جىلىتۋ پۋنكتتەرىنە ورنالاستىرىلدى.
ايتا كەتەيىك, بىلتىر سايكەس كەزەڭدە ەل جولدارى 676 مارتە جابىلعان بولاتىن. اۆتوكولىكتەرگە ەنگىزىلەتىن شەكتەۋلەر – بۇل ءماجبۇرلى, بىراق جولدارداعى جول قاۋىپسىزدىگىن قامتاماسىز ەتەتىن قاجەتتى شارالار.
