وسى كۇنى قاتتى بوران بولىپ, كورىنىس كۇرت ناشارلاپ كەتكەندىكتەن وبلىستاعى بارلىق اۆتوموبيل جولدارى جابىلدى. بۇل تۋرالى الدىن الا ەسكەرتىلدى. بىراق سوعان قاراماي جولعا شىققان ايىرتاۋ, شال اقىن, م.جۇماباەۆ جانە تايىنشا اۋداندارىنىڭ اۆتوجولدارىندا 39 تەحنيكا 7 قار كەپتەلىسىندە تۇرىپ قالعان.
تجد بارلىق جاعدايلار بويىنشا جەدەل ارەكەت ەتۋ شارالارىن قابىلداپ, جول قىزمەتتەرىنىڭ كۇشتەرى, جەرگىلىكتى اتقارۋشى ورگاندار, پوليتسيا قىزمەتكەرلەرىنىڭ كۇش بىرىكتىرۋىمەن قۇرىلعان جەدەل شتاب ارقىلى ادامدار قار قۇرساۋىنان بوساتىلىپ, تازارتىلعان جول ۋچاسكەلەرىنە شىعارىلدى.
سونداي-اق وسى كۇنى ع.مۇسىرەپوۆ اۋداندىق تج ءبولىمىنىڭ قىزمەتكەرلەرى وتىمدىلىگى جوعارى «ترەكول» اۆتوكولىگىمەن نوۆويشيم سەلوسىنان شال اقىن اۋدانى ورتالىق اۋرۋحاناسىنا اۋىر ناۋقاسقا ۇشىراعان 1974 جىلى تۋعان ەر ادامدى جەتكىزدى. ال م.جۇماباەۆ اۋدانىنىڭ تج وسىنداي اۆتوكولىكپەن مولودوگۆاردەيسكوە سەلوسىنان ۆوزۆىشەن دارىگەرلىك امبۋلاتورياسىنا 1964 جانە 1958 جىلى تۋعان ەكى ناۋقاس ادامدى جەتكىزدى.
جولداردى پاترۋلدەۋگە, بلوكبەكەتتەردەگى كەزەكشىلىكتەرگە جانە اۆتوجولداردى تازالاۋعا 249 ادام جانە 204 بىرلىك تەحنيكا جۇمىلدىرىلدى. ءسويتىپ, «كارى قۇداڭ» كەتەرىندە كوپ الەك سالىپ جاتىر.
سولتۇستىك قازاقستان وبلىسى
