وڭتۇستىك افريكانىڭ تۇڭعىش پرەزيدەنتى نەلسون ماندەلا وتباسىنىڭ اتىنان, ناۋرىز مەيرامىنا جانە كەلە جاتقان جاڭا اق سيىر جىلىنا وراي قر ۇكىمەتىن جانە بۇكىل قازاقستان حالقىن شىن جۇرەكتەن قۇتتىقتايمىن!
بىرىككەن ۇلتتار ۇيىمىنىڭ باس اسسامبلەياسى, ءوزىنىڭ 2010 جىلعى A/RES/64/253 قارارىندا جاريالاعان حالىقارالىق ناۋرىز كۇنى – پلانەتامىزدىڭ سولتۇستىك جارتى شارىندا استرونوميالىق كۇن مەن ءتۇننىڭ تەڭەلگەن كەزدە اتاپ وتىلەتىن جانە كوكتەمنىڭ العاشقى كۇنىن بەلگىلەيتىن ماڭىزدى مەرەكە.
ۇلىستىڭ ۇلى كۇنى – باھاردىڭ ارايىن, تابيعات-انانىڭ جاڭا تۋىندىلارىنا وراي قۋانىشىن, عارىشتىق ۇيلەسىمدى, سونداي-اق جاراتىلىستىڭ جاڭعىرۋىن كەيىپتەيتىن ۋاقىت. ناۋرىز, سونداي-اق, ادام رۋحىنىڭ قايتا تۋىپ, جارىقتىڭ قاراڭعىلىق كۇشتەرىنىڭ ۇستىندەگى سالتانات قۇرۋىن بەينەلەيدى جانە قاي جەردە دە جاقسىلىق شاشادى.
ناۋرىزدىڭ وسىناۋ باعىتتاۋشى رۋحى, بىزدەردى جىل بويىنا شابىتتاندىرۋى كەرەك. جاعراپيالىق ەندىك پەن بويلىققا قاراماستان, الەمنىڭ كەز كەلگەن بولىگىندە ۇجىمدىق كۇش-جىگەرىمىزدى ودان ءارى كۇشەيتۋ كەرەك, اسىرەسە عالامدىق كوروناۆيرۋستىق ىندەتتىڭ كەزىندە. ناۋرىزدىڭ بىتىمگەرشىلىك قۇندىلىقتارى ءارى باي مۇراسى – بارلىق بەيبىت پەن بەيبىتشىلىكتى سۇيەر ەلدەر ءۇشىن ماڭىزدى.
بۇل مەرەكەنىڭ, سونىمەن بىرگە, ادامنىڭ ءال-اۋقاتىنىڭ نەگىزىن قالاۋعا جانە عالامشارىمىزدىڭ قۇندى رەسۋرستارىن ساقتاۋعا باعىتتالۋى دا – اسا كوڭىل اۋدارارلىق جايت. ناۋرىز مەرەكەسىنىڭ رۋحىندا قوزعالار بىرلەسكەن جۇمىسىمىز – بۇۇ-نىڭ بارلىق 17 تۇراقتى دامۋ ماقساتتارىنا جەتۋ ءۇشىن سەرپىن بەرەتىنىنە كۇمانىم جوق. بۇل مەيرام, سونداي-اق, سەرىكتەستىك پەن ىنتىماقتاستىقتاعى تەرەڭ سەنىمدىلىكتى باسشىلىققا الا وتىرىپ, ادامنىڭ قادىر-قاسيەتىن, ادىلەتتىلىكتى, تەڭدىكتى, جان-جاقتى ۇنقاتىسۋدى جانە حالىققا باعىتتالعان دامۋدى ناسيحاتتاۋعا مىندەتتەيدى.
بۇۇ-دىڭ تۇراقتى دامۋ ماقساتتارىنا جەتۋ جونىندەگى 2030 كۇن ءتارتىبى جانە بەيبىتشىلىكتىڭ جاڭا كۇن ءتارتىبى – جاھاندىق كەلىسىم مەن ىنتىماقتاستىقتىڭ بىرلەسكەن قۇبىلانامامىز بولۋى ءتيىس. بۇگىنگى شارتتاردا, ءبىز ەجەلگى ناۋرىز ءداستۇرىن ءدال وسى باعىتتا ءتۇسىنۋىمىز كەرەك.
ۇلى دالا ەلىندە ەجەلدەن بەرى كوكتەمگى كۇن مەن ءتۇننىڭ تەڭەلۋىنە وراي تويلانىپ كەلە جاتقان ۇلىستىڭ ۇلى كۇنى – بۇدان بىلاي دا الەمنىڭ تۇكپىر-تۇكپىرىندە جاقسىلىقتى, بايلىقتى, باقىتتى, سۇيىسپەنشىلىكتى جانە ۇلكەن دوستىقتى بەينەلەيتىنىنە كامىل سەنەمىن.
وڭتۇستىك افريكا مەن قازاقستان رەسپۋبليكاسى اراسىنداعى قارىم-قاتىناستار ارقاشان دا بەرىك جانە ءوزارا قولداۋ نەگىزىندە دامىپ, جاقسى قارقىنىن جانە ۇلكەن الەۋەتىن كورسەتىپ كەلۋدە.
بۇل بايلامدا, الداعى جىلدارى دوستاس بايلانىستار مەن شىنايى ىنتىماقتاستىعىمىزدى, ورتاق مۇددەلەرىمىز ءۇشىن ودان ءارى ارتتىرۋ ءۇشىن قازاقستان تاراپىمەن تىعىز بايلانىستا جۇمىس ىستەۋگە نيەتتى ەكەنىمىزدى تاعى دا ايتقىمىز كەلەدى.
Körısu amaly merekesı qabyl,
Nauryz meiramy qutty bolğay!
Aq mol bolsyn!
ىزگى نيەتپەن,
نديلەكا ماندەلا,
وار تۇڭعىش پرەزيدەنتى نەلسون ماندەلانىڭ ۇلكەن نەمەرەسى,
ت.ماندەلا قورىنىڭ قۇرۋشىسى جانە پرەزيدەنتى
