قۇرمەتتى دوستار!
بارشاڭىزدى امال مەرەكەسىمەن, كورىسۋ كۇنىمەن شىن جۇرەكتەن قۇتتىقتايمىن! بۇل – ەلدىڭ ىرىس-ىنتىماعىن ارتتىراتىن ايرىقشا مەيرام. قىستان امان شىققان اعايىننىڭ ءبىر-بىرىمەن كورىسىپ, ارقا-جارقا بولاتىن ءساتى.
مەملەكەت باسشىسى «تاۋەلسىزدىك بارىنەن قىمبات» اتتى ماقالاسىندا ناۋرىز مەيرامىنىڭ مازمۇنىن ودان ءارى بايىتۋ كەرەكتىگىن ايتقان ەدى. وسى تۇرعىدان كەلگەندە, امالدىڭ ماڭىزى وتە زور.
ەلىمىزدىڭ باتىس وڭىرىندەگى اعايىن ۇلىستىڭ ۇلى كۇنىن اتاپ ءوتۋدى ءدال وسى امال مەيرامىنان باستايتىنى بەلگىلى. قازىرگى تاڭدا اتالعان مەرەكەنىڭ جالپىۇلتتىق سيپات الىپ كەلە جاتقانى ەرەكشە قۋانتادى. مۇنىڭ ءبارى تاريحي سانامىزدى جاڭعىرتۋعا جانە ۇلتتىق قۇندىلىقتارىمىزدى دارىپتەۋگە تىڭ سەرپىن بەرەتىن يگى ىستەر ەكەنى ءسوزسىز.
ەندەشە كەلىپ جەتكەن جىل باسى تەك جاقسىلىق پەن قۋانىش اكەلسىن. حالقىمىزدىڭ بەرەكەسى ارتىپ, بىرلىگى نىعايا بەرسىن. ءار شاڭىراققا شاتتىق پەن اماندىق تىلەيمىن. امال قۇتتى بولسىن, اعايىن!
