ايماقتار • 14 ناۋرىز، 2021

جولدان شىعىپ كەتكەن جۇك كولىگىن ءۇش تەحنيكا زورعا شىعاردى

123 رەت كورسەتىلدى

قارا بوراندا جولدىڭ شەتىن كورمەي شال اقىن اۋدانىنىڭ ورتالىعىنداعى دۇكەندەرگە ازىق-ت ۇلىك اپارا جاتقان «Foton» جۇك كولىگى كيۋۆەتكە قۇلاعان، دەپ حابارلايدى Egemen.kz

كولىكتە جۇرگىزۋشىدەن باسقا ەكسپەديتور مەن ساۋدا وكىلى بولعان. ەشكىم زارداپ شەككەن جوق.

جۇك كولىگىن پاترۋلدىك پوليتسيا ەكيپاجى جەرگىلىكتى «ستيمۋل» جشس قار تازالاعىش، جۇك تيەگىش جانە تارتقىشىمەن زورعا شىعارىپ الدى. «Foton»-دى جۇكتەن بوساتۋعا تۋرا كەلگەن، تەك وسىدان كەيىن عانا كولىكتى جولعا شىعارۋ مۇمكىن بولدى.

«كومەكتىڭ جىلدام كورسەتىلۋىن قامتاماسىز ەتكەندەرىڭىزگە العىسىم شەكسىز»، دەپ ريزاشىلىعىن ءبىلدىردى پوليتسەيلەرگە كولىك جۇرگىزۋشىسى.

ال تايىنشا اۋدانىندا پوليتسەيلەر جول جيەگىنە شىعىپ كەتكەن، كوكشەتاۋدان تۇمەنگە بەت العان «DAF» اۋىر جۇك كولىگىن جولعا شىعارۋ ءۇشىن «قازاۆتوجول» جشس جۇگىندى.

سقو پوليتسيا دەپارتامەنتى پاترۋلدىك پوليتسيا باتالونى كومانديرى پوليتسيا پودپولكوۆنيگى ەرلان ماديەۆ: «قۇبىلمالى اۋا رايى جۇرگىزۋشىلەرگە قيىندىق جاسايدى. جولدا اسا ساق بولۋعا، جول قوزعالىسى ەرەجەلەرىن قاتاڭ ساقتاۋعا شاقىرامىز. جولداردىڭ جابىلعانى جانە اۋا رايىنىڭ قولايسىزدىعى تۋرالى ەسكەرتەتىن تج قىزمەتىنىڭ جانە پوليتسيانىڭ حابارلامالارىن نازاردان تىس قالدىرماڭىزدار»، دەدى.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار