ەلوردا • 13 ناۋرىز، 2021

ەلوردادا ون جىلدان بەرى قۇرىلىسى اياقتالماعان نىساندار قاشان قولدانىسقا بەرىلەدى؟

85 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا قۇرىلىسى ۇزاققا سوزىلعان تۇرعىن ءۇي كەشەندەرىندە ءجۇرىپ جاتقان جۇمىس جايلى ءبولىستى، دەپ حابارلايدى Egemen.kz

«جۇيەلى شەشىلىپ جاتقان وزەكتى ماسەلەلەردىڭ ءبىرى – قالاداعى قۇرىلىسى ۇزاققا سوزىلعان نىسانداردى اياقتاۋ. بۇگىن بىرقاتار قۇرىلىستىڭ جايىمەن تانىستىم. «جەتى جول»، «زەرە - 1»، «اقەركە - 2» تۇرعىن ءۇي كەشەندەرىنە باردىم. ولاردىڭ بارىندە قۇرىلىس جىلدار بويى توقىراپ تۇردى. بىلتىر باستالعان پاندەمياعا قاراماستان، قۇرىلىس توقتاپ قالماۋى ءۇشىن قولدان كەلگەننىڭ ءبارىن جاسادىق.

مىسالى، قۇرىلىسى ۇزاققا سوزىلعان «زەرە - 1» تۇرعىن ءۇي كەشەنىنىڭ جەتى جىلدىق تاريحى بار. ۇلەسكەرلەرىنىڭ سانى – 200-گە جۋىق. ءبىرىنشى كەزەكتە ۇيگە دە، ينجەنەرلىك جەلىلەرگە دە بارلىق جوبالاۋ-سمەتالىق قۇجاتتامانى دايىندادىق. مۇندا ءۇيدىڭ قاڭقاسى عانا بولدى. تۇرعىن ءۇي كەشەنىنىڭ قاسبەتى بويىنشا جۇمىستار جۇرگىزىلدى، تەرەزەلەر، ەسىكتەر، ليفتىلەر ورناتىلدى. سونىمەن قاتار، ىشكى جانە سىرتقى ارلەۋ جۇمىستارى جۇرگىزىلدى. تۇرعىن ءۇي كەشەنى ينجەنەرلىك جەلىلەرگە: سۋعا، ەلەكتر ەنەرگياسىنا، جىلۋعا جانە كارىزگە قوسىلعان.

1

«اقەركە-2» تۇرعىن ءۇي كەشەنىنىڭ جاعدايى «زەرە-1-گە» ۇقساس. 150-دەن استام وتباسى جەتى جىلدان استام ءوز پاتەرلەرىن كۇتىپ ءجۇر. تۇرعىن ءۇي كەشەنىندە ءۇيدىڭ قاڭقاسى اياقتالىپ، تەرەزەلەر، ەسىكتەر، ليفتىلەر ورناتىلدى. جوبالىق-سمەتالىق قۇجاتتامانى دايىنداپ، قاسبەتى بويىنشا جۇمىستار جۇرگىزدىك. ۇلكەن ماسەلەنىڭ ءبىرى گاراجداردى بۇزۋ بولدى. گاراجداردى ساتىپ الۋ جۇمىستارىن جۇرگىزدىك، بۇل ينجەنەرلىك جەلىلەردى ۇيگە جەتكىزۋگە مۇمكىندىك بەرەدى.

ال «جەتى جول» تۇرعىن ءۇي كەشەنىندەگى ۇلەسكەر سانى - 600-گە جۋىق. ءۇيدىڭ ونجىلدىق تاريحى بار. ۇيگە جانە ينجەنەرلىك جەلىلەرگە جوبالاۋ-سمەتالىق قۇجاتتامانى تۇزەتۋ بويىنشا جۇمىستار جۇرگىزىلدى. تەرەزەلەردى ورناتۋ، ينجەنەرلىك جەلىلەرگە قوسۋ جانە ت. ب. بويىنشا جۇمىستار جالعاسىپ جاتىر.

قۇرىلىس قارقىنىن باسەڭدەتپەۋدى، ۇيلەردىڭ ساپاسىنا ەرەكشە نازار اۋدارۋدى، قۇرىلىس جۇمىستارى اياقتالعاننان كەيىن اۋماقتاردى اباتتاندىرۋعا كىرىسۋدى تاپسىردىم. اتالعان ءۇش ءۇي وسى جىلى پايدالانۋعا بەرىلەدى.

ءبىر جارىم جىل ىشىندە (2019 جىلدىڭ جازىنان باستاپ) قۇرىلىسى ۇزاققا سوزىلعان نىسانداردىڭ سانى ەكى ەسەدەن استام ازايدى. ۇلەستىك قۇرىلىس نىساندارىنداعى كورىنىس ءارتۇرلى: ءبىر جەردە تەك شۇڭقىر بولسا، ءبىر جەردە سالىنعان بلوكتاردى تولىعىمەن بۇزۋ قاجەت. ويتكەنى، ولار تۇرۋعا ارنالماعان ءارى قاۋىپتى. دەگەنمەن، ءاربىر ۇزاق قۇرىلىس بويىنشا قادامدىق ءىس-شارالار جوسپارى بار. بيىل پاتەر كىلتىن تاعى 7 مىڭ ۇلەسكەرگە بەرۋدى جوسپارلاپ وتىرمىز»، دەپ جازدى ەلوردا اكىمى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار