وسىلايشا, 13 ناۋرىزعا قاراعان ءتۇنى مونيتورينگ توبى "BHB" بارىندا جۇمىس رەجيمىنىڭ بۇزىلۋىن انىقتادى. ءتۇن ورتاسىنان كەيىن مەكەمەدە 400-گە جۋىق ادام بولدى, دەپ حابارلايدى قالا اكىمدىگىنىڭ رەسمي سايتى.
وقيعا ورنىنا ساعات 00.19-دا كەلگەن مونيتورينگتىك توپ "BHB" بارىنىڭ جۇمىس رەجيمى تۋرالى ەلوردانىڭ سانيتارلىق دارىگەرىنىڭ قاۋلىسىنىڭ تالاپتارىن بۇزىپ, جۇمىسىن جالعاستىرىپ جاتقانىن انىقتادى. سونىمەن قاتار, مەكەمەدە ءبىر ۋاقىتتا الەۋمەتتىك قاشىقتىق پەن ماسكا رەجيمىن ساقتاماعان 400-گە جۋىق كەلۋشى بولدى. جينالعان ماتەريال كاسىپكەرلىك سۋبەكتىسىن جاۋاپكەرشىلىككە تارتۋ ءۇشىن ءتيىستى ورگاندارعا بەرىلدى.
ايتا كەتەيىك, 2021 جىلدىڭ 1 قاڭتارىنان باستاپ ەلوردانىڭ سانيتارلىق-ەپيدەميولوگيالىق باقىلاۋ باسقارماسىنا 287 شۇعىل حابارلاما كەلىپ ءتۇستى. ولاردىڭ نەگىزىندە كاسىپكەرلىك سۋبەكتىلەرىنە كارانتيندىك شەكتەۋلەردى بۇزۋ ىسىنە قاتىستى جوسپاردان تىس 280 تەكسەرۋ جۇرگىزىلدى.
ولاردىڭ قورىتىندىسى بويىنشا 60,5 ملن تەڭگەدەن استام سوماعا 261 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى.
سانيتارلىق-ەپيدەميولوگيالىق تەكسەرۋ قىزمەتكەرلەرى مامانداندىرىلعان اۋدانارالىق اكىمشىلىك سوتقا بۇزۋشىلىقتاردى جويۋ تۋرالى نۇسقامانى ورىندامايتىن 47 «قاساقانا بۇزۋشىعا» قاتىستى 54 ماتەريال جىبەردى.
سوت وبەكتىلەردىڭ قىزمەتىن توقتاتۋ تۋرالى 28 جەكە جانە زاڭدى تۇلعاعا قاتىستى اكىمشىلىك شارالار قابىلدادى.
بۇگىنگى تاڭدا 13 كاسىپكەرلىك نىسانىنىڭ قىزمەتى توقتاتىلدى. ولار: «تeukila» كاراوكە-بار, «ZOLOTO» مەيرامحاناسى, «Stories» (قازىرگى ۋاقىتتا «دۆا گرۋزينا») لاۋندج-بارى, «Abba» لاۋندج-بارى, «الانيا» تۇنگى كلۋبى, «Echo» لاۋندج-بارى, «جانىم سول» كاراوكە-بارى, «Echo» لاۋندج-بارى, «Kango» باتۋت ورتالىعى, «Ginza» رەستوران-كاراوكە, «Alanya» رەستوران-كاراوكە, «Nirvana» بار, «لوتو-كلۋب».
الايدا قر زاڭناماسىنىڭ تالاپتارىن قاساقانا ەلەمەۋ جانە كاسىپكەرلىك سۋبەكتىلەرى نىساندارىنىڭ قىزمەتىن جانە جۇمىس رەجيمىن توقتاتۋ تۋرالى سوت جانە سوت ورىنداۋشىلارىنىڭ قاۋلىلارىن ورىنداماۋ فاكتىلەرى بار ەكەنىن اتاپ وتكەن ءجون.
وسىلايشا «الانيا» تۇنگى كلۋبى سوت ورىنداۋشىسىنىڭ كىرۋ ەسىكتەرىن مورلەپ, سۋمەن جابدىقتاۋدى وشىرگەنىنە قاراماستان, 2021 جىلعى 7 ناۋرىزدا سۋمەن جابدىقتاۋعا جەكەلەي قوسىلىپ, جۇمىسىن جالعاستىردى.
مونيتورينگتىك توپ «Tekuila» كاراوكە-بارى سوت قاۋلىسىن بۇزدى دەپ ايىپتادى. مەكەمە يەلەرى سوت ورىنداۋشىسى سالعان پلومبالاردى ءۇش رەت جىرتىپ, سۋمەن جابدىقتاۋدى دەربەس قوسقان.
«Echo» لاۋندج-بارى دا پلومبانى ج ۇلىپ الىپ, جۇمىسىن جالعاستىردى. زاڭ بۇزۋ فاكتىسى 2021 جىلدىڭ 6 ناۋرىزىندا انىقتالدى.
ءوز كەزەگىندە «Nirvana» بارى دا پلومبانىڭ بۇزىلۋىنا جانە جۇمىستىڭ زاڭسىز قايتا جاندانعانىنا بايلانىستى ايىپتالدى.
كاسىپكەرلىك سۋبەكتىلەرى تاراپىنان ورىن العان قاساقانا بۇزۋشىلىق فاكتىلەرى تۋرالى حاتتار قر زاڭناماسىن بۇزۋشىلاردى جاۋاپكەرشىلىككە تارتۋ بويىنشا پارمەندى شارالار قابىلداۋ ءۇشىن ادىلەت دەپارتامەنتىنە, قالالىق پروكۋراتۋراعا جولداندى.
2021 جىلعى 10 ناۋرىزدا سوت قاۋلىلارىنىڭ ورىندالماۋىنا بايلانىستى اعا سوت ورىنداۋشىسى «Tekuila» كافە-بارى مەن «Alanya» كاراوكە-مەيرامحاناسىن سۋمەن جابدىقتاۋدان جانە ەلەكتر قۋاتىنان اجىراتۋدى جۇرگىزدى.
ەستەرىڭىزگە سالا كەتەيىك, 10 ناۋرىزدان باستاپ نۇر-سۇلتان قالاسى ەپيدەميولوگيالىق جاعداي بويىنشا «قىزىل ايماققا» ەندى. كارانتيندىك شەكتەۋلەردى بۇزۋشىلىقتاردى انىقتاۋ جانە بولدىرماۋ بويىنشا مونيتورينگتىك توپتاردىڭ جۇمىسى كۇشەيتىلگەن رەجيمگە اۋىستىرىلدى.
