«سوڭعى اپتادا اۋىرعاندار سانىنىڭ وسۋىنە بايلانىستى نۇر-سۇلتان قالاسىندا ءCوVىD-19 ينفەكتسياسى تۇراقسىز دەپ باعالانادى, تىركەلگەندەر سانى كۇنىنە 70-تەن 143 جاعدايعا دەيىن اۋىتقىپ وتىر. سوڭعى اپتادا سىرقاتتانۋ دەڭگەيى الدىڭعى اپتادان باستاپ 9,9%-عا جوعارى. 100 مىڭ تۇرعىنعا شاققانداعى قارقىندى كورسەتكىش – 59,25 رەپرودۋكتيۆتىك سانى 1,055-ءتى قۇرادى. 10 ناۋرىزدان باستاپ قالا ەپيدەميالىق جاعدايدى باعالاۋ ماتريتساسى بويىنشا «قىزىل ايماققا» ءوتتى», دەدى سارحات بەيسەنوۆا.
ونىڭ ايتۋىنشا كوروناۆيرۋستىق ينفەكتسيانى تىركەۋدى جالعاسۋىنىڭ نەگىزگى سەبەپتەرى بۇرىنعىسىنشا تۇرعىنداردىڭ كارانتيندىك ءىس-شارالاردى ساقتاماۋى, ياعني ادام كوپ جينالاتىن ورىندارعا بارۋى, بەتپەردە تاعۋدى ەسكەرمەۋى, اۋىرعاندار, نە ولارمەن جاقىن بايلانىستا بولعان ادامداردىڭ دا ءۇي كارانتيندىك رەجيمىن ساقتاماۋى بولىپ سانالادى.
«مەرەكەدەن كەيىن ادەتتە كوروناۆيرۋستىڭ وڭ جاعدايلارىن تىركەۋ سانى كوبەيەتىنىن ەسكەرە وتىرىپ, بۇقارالىق شارالار وتكىزۋگە تىيىم سالىنعانىن ەسكە سالامىز. ونىڭ ىشىندە, «ناۋرىز» مەيرامىن جاپپاي اتاپ وتۋگە, سونداي-اق قىزمەتى قايتا جاندانباعان نىساندارعا بارۋعا تىيىم سالىنعان. سانيتارلىق نورمالاردى قاتاڭ تۇردە ساقتاۋ, ياعني ماسكا كيۋ, الەۋمەتتىك قاشىقتىقتى ساقتاۋ قاجەت», دەدى ەلوردانىڭ باس مەملەكەتتىك سانيتارلىق دارىگەرى.
