سقو پوليتسيا دەپارتامەنتىنىڭ مالىمەتىنشە, وقيعا 11 ناۋرىز كۇنى بولدى. «جەزقازعان-پەتروپاۆل» اۆتوجولىنىڭ 824-شاقىرىمىندا جولدى قار الىپ قالىپ, گازەل كولىگىنىڭ جۇرگىزۋشىسى امالسىزدان توقتاعان. سول باعىتتا كەلە جاتقان ەكىنشى «گازەل» كولىگىنىڭ جۇرگىزۋشىسى بوراننان الدىندا توقتاپ تۇرعان ماشينانى كورمەي, سوققان. ونىڭ سوڭىنان كەلە جاتقان «Toyota Hilux» اۆتوكولىگىنىڭ جۇرگىزۋشىسى جولداعى جاعدايدى كەش بايقاپ, اپاتقا ۇشىراعان ماشينالارمەن سوقتىعىسقان.
ال كاماز كولىگىنىڭ جۇرگىزۋشىسى اپاتتان قاشىپ جول جيەگىنە ءتۇسىپ كەتتى. پوليتسيانىڭ مالىمەتىنشە, جول-كولىك وقيعاسىنان زارداپ شەككەندەر جوق. سقو-دا بىرنەشە كۇننەن بەرى بوران باسىلماي تۇر. اۋا رايىنىڭ قولايسىزدىعىنا بايلانىستى كەشە 11 ناۋرىز كۇنى ساعات 15.00 شاماسىندا بارلىق باعىت بويىنشا اۆتوجولدار جابىلدى.
