2020 جىلدىڭ 28 قاراشاسىنا قاراعان ءتۇنى 43 جاستاعى پاۆلودارلىق قارسىلاسىنا تيەسىلى 1999 جىلعى Nissan Cefiro ماركالى كولىكتى قىزعانىشتان ورتەپ جىبەرگەن.
ءىس سوتقا پروكۋرور مەن سوتتالۋشىنىڭ اراسىندا جاسالعان كىنانى مويىنداۋ تۋرالى مامىلە نىسانىندا پروتسەستىك كەلىسىممەن كەلىپ ءتۇستى. سوت وتىرىسىندا پروكۋرور مەن سوتتالۋشى پروتسەستىك كەلىسىمدى قولدادى. ۇكىم شىعارۋ كەزىندە سوت ءورت قويعان ادامنىڭ كىناسىن تولىق مويىنداۋىن جانە كىشكەنتاي بالالارى بار ەكەنىن ەسكەردى.
– جىلىنا 100 ساعات ءماجبۇرلى ەڭبەككە تارتا وتىرىپ, پروباتسيالىق باقىلاۋ ورناتا وتىرىپ, 3 جىل 6 اي باس بوستاندىعىن شەكتەۋ تۇرىندەگى جازا تاعايىندالسىن. جابىرلەنۋشىنىڭ 1 ملن 107 مىڭ 597 تەڭگە سوماسىنداعى ازاماتتىق تالاپ-ارىزى تولىق كولەمدە قاناعاتتاندىرىلسىن, دەيدى پاۆلودار قالاسى №2 سوتىنىڭ سۋدياسى انۋاربەك وسپانوۆ.
سوتتالۋشى ازاماتتىق تالاپ ۇكىم زاڭدى كۇشىنە ەنگەننەن كەيىن ءبىر اي ىشىندە تولەۋى ءتيىس. ولاي بولماعان جاعدايدا ماتەريال سوت ورىنداۋشىلارىنا بەرىلەدى جانە شەتەلدىك كولىك يەسىنىڭ پايداسىنا قاراي زالال ءماجبۇرلى تۇردە ءوندىرىپ الىنادى.
سونىمەن قاتار, سوتتالۋشى باقىلاۋدى جۇزەگە اسىراتىن مەملەكەتتىك ورگاندى حاباردار ەتپەي, وقۋ ورنىن, تۇرعىلىقتى جەرىن, جۇمىسىن وزگەرتە المايدى. وعان الكوگول ىشۋگە بايلانىستى بارلارعا, دامحانالارعا, مەيرامحانالارعا, ويىن-ساۋىق ورىندارىنا بارۋعا تىيىم سالىنادى.
بۇل تالاپتار بۇزىلعان جاعدايدا باس بوستاندىعىن شەكتەۋ ناقتى باس بوستاندىعىنان ايىرۋعا اۋىستىرىلۋى مۇمكىن. ۇكىم زاڭدى كۇشىنە ەنگەن جوق.
ەسكە سالا كەتەيىك, Nissan Cefiro پاۆلوداردا گاگارين كوشەسى, 76/3 مەكەنجايى بويىنشا ورتەنگەن بولاتىن. وبلىستىق تجد ءورتتىڭ شىعۋىنا قاساقانا وت قويۋ سەبەپ بولعانىنايتقان. ءورت اۋماعى 0,5 شارشى مەتردى قۇرادى.
