سونىڭ ىشىندە جامبىل اۋدانى مايبالىق اۋىلىنان جاعدايى اۋىرلاپ كەتكەن قارت انا شۇعىل تۇردە اۋرۋحاناعا جەتكىزىلدى. دۇلەي بورانداردان كەيىن جابىلىپ قالعان جولداردى ارشۋعا «اتامەكەن – اگرو» جشس قۋاتتى ك-701 تراكتورى كىرىستى. «نيۆا» اۆتوكولىگىمەن شىققان اۋداندىق توتەنشە جاعدايلار ءبولىمىنىڭ باستىعى, ازاماتتىق قورعاۋ پودپولكوۆنيگى سەيىلبەك سمايىلوۆ باستاعان قۇتقارۋ توبى 2 ساعات ىشىندە اۋىلعا جەتىپ, كەلەسى كۇنى عانا ايەلدى اۋداندىق اۋرۋحاناعا جەتكىزە الدى. قازىر ول ءوزىن جاقسى سەزىنەدى, ومىرىنە قاۋىپ ءتونىپ تۇرعان جوق.
كەلەسى كۇنى وسى قۇتقارۋ توبى اۋدان ورتالىعىنان 47 كم جەردە ورنالاسقان ءسابيت اۋىلىنان 2 ايەلدى كوپ قيىنشىلىقتارمەن اۋرۋحاناعا جەتكىزدى.
وسىنداي قارەكەت اقجار اۋدانى تالشىق اۋدان ورتالىعىنىڭ تج بولىمندە دە بولدى. № 8 ءورت ءسوندىرۋ ءبولىمىنىڭ قىزمەتكەرلەرى 25 جاستاعى بوساناتىن ايەلدى 77 شاقىرىم قاشىقتىقتان الىپ كەلىپ, اۋداندىق اۋرۋحاناعا تابىس ەتتى. قازىر ايجان ەسىمدى قۇتقارىلعان ايەلدىڭ جاعدايى تۇراقتى. ول قيىن ساتتەن ءوزىن الىپ شىققاندارعا العىسىن بىلدىرۋدە.
سولتۇستىك قازاقستان وبلىسى
