«جاڭا تەلەۆيزيالىق پلاتفورمانىڭ اشىلۋى – وتاندىق مەديا سالاداعى ايتۋلى وقيعا. قوعامعا ساپالى ءارى اشىق اقپارات جەتكىزۋ – ءبىزدىڭ قىزمەت سالاسىنداعى باستى مىندەتتەردىڭ ءبىرى. سونىڭ ىشىندە, اسىرەسە, جاڭا تەلە-پلاتفورمانىڭ مەملەكەتتىك تىلگە باسىمدىق بەرەتىنى كوڭىل قۋانتادى. سونداي-اق جاڭا باستاما – وتاندىق مەديا سالاسىنىڭ باسەكەگە قابىلەتىن ودان ارى ارتتىرۋعا ۇلكەن سەرپىن بەرەدى دەپ سەنەمىن», دەدى ايدا بالاەۆا.
وسى ورايدا ايدا بالاەۆا وسى جاڭا جوباعا باستاما كوتەرىپ, ونىڭ ىسكە اسۋىن قامتاماسىز ەتىپ وتىرعان – «سامرۇق-قازىنا» ءال-اۋقات قورى مەن «كازاقتەلەكوم» كومپانياسىنا العىسىن ءبىلدىردى.
«تۆ+» جاڭا تەلەپلاتفورماسى وتاندىق مەديا نارىعىن دامىتۋ كاتاليزاتورلارىنىڭ ءبىرى عانا بولىپ قالماي, جاس تالانتتى اۆتورلاردى ەلىمىزدە جاڭا, بارىنشا ساپالى كونتەنت جاساۋ ءۇشىن ۇنەمى جۇمىس ىستەۋگە ىنتالاندىرادى دەپ سەنەمىز. ال ولاردىڭ كۇش-جىگەرىنىڭ ناتيجەسى مەن كورسەتكىشى جوعارى كورەرمەن رەيتينگى بولسىن», دەدى مينيستر.
بۇدان وزگە, ۆەدومستۆو باسشىسى اقپارات جانە قوعامدىق دامۋ مينيسترلىگى الداعى ۋاقىتتا سەرىكتەستىك جۇمىسقا دايىن ەكەنىن اتاپ ءوتتى.
