وقيعا • 10 ناۋرىز، 2021

قازاق ءتىلىن بىلۋدەن وتكەن بايقاۋدا پوليتسيا قىزمەتكەرى جەڭىسكە جەتتى

14 رەت كورسەتىلدى

سقو اكىمدىگى جانىنداعى تىلدەردى وقىتۋ ورتالىعى جامبىلدىڭ 175 جىلدىعىنا وراي ۇيىمداستىرعان ونلاين-بايقاۋدا پەتروپاۆل قالاسى پب اعا سەرجانتى سەرافيما وكيشەۆا باس بايگەنى جەڭىپ الدى، دەپ حابارلايدى ەgemen.kz

ول مەكتەپ قابىرعاسىندا جۇرگەن كەزىنەن باستاپ قازاق ءتىلىن ۇيرەنۋگە قىزىعۋشىلىق تانىتقان. العان ءبىلىمى ءوز ناتيجەسىن بەردى، بۇگىندە ول ەكى ءتىلدى جەتىك مەڭگەرگەن، ءىس قاعازدارىن مەملەكەتتىك تىلدە كاسىبي تۇردە جۇرگىزەدى.

بايقاۋعا قاتىسۋ ءۇشىن سەرافيما وكيشەۆا جىر الىبىنىڭ «لەنينگرادتىق ورەنىم» ولەڭىن ناقىشىنا كەلتىرىپ وقىعانى جازىلعان بەينەروليك جىبەردى. «لەنينگراد قورشاۋىن باسىنان وتكەرگەن باتىرلاردىڭ ۇرپاقتارى ءالى كۇنگە دەيىن «قارت جامبىلدىڭ» رۋحتى ولەڭىن قۇرمەت تۇتادى. اقىننىڭ بۇل ولەڭىن ءسۇيىپ وقيمىن»، دەيدى سەرافيما.

ادىلقازىلار سەرافيمانىڭ ولەڭ وقۋداعى ءتىل تازالىعىن، تەرەڭدىگىن باعالادى. سقو پد باستىعى، پوليتسيا پولكوۆنيگى مارات تولەباەۆتىڭ ايتۋىنا قاراعاندا جەكە قۇرامنىڭ مەملەكەتتىك ءتىلدى مەڭگەرۋگە دەگەن ۇمتىلىسى جان-جاقتى قولداۋ تابۋدا. قىزمەتكەرلەرگە ارنالعان ساباقتار تۇراقتى وتكىزىلەدى. ىشكى جانە سىرتقى كوممۋنيكاتسيالار ءبولىمى قازاق ءتىلىن ناسيحاتتاۋعا باعىتتالعان ءىس-شارالاردى ۇيىمداستىرۋدا.

سولتۇستىك قازاقستان وبلىسى

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار