قر قك 339-بابى سيرەك كەزدەسەتىن, جويىلۋ الدىندا تۇرعان وسىمدىك تۇرلەرىن, جانۋارلاردى, ولاردىڭ دەريۆاتتارى مەن مەن بولشەكتەرىن زاڭسىز پايدالانۋ ارەكەتتەرىن قاراستىرادى.
«جاننا نۇرتاەۆاعا قاتىستى قىلمىستىق كودەكستىڭ 339-بابىنىڭ 2-بولىمىمەن قوزعالعان قىلمىستىق ءىس وندىرىسكە قابىلداندى», دەلىنگەن سوت قاۋلىسىندا.
باستى سوت تالقىلاۋى 19 ناۋرىزدا المالى اۋداندىق سوتىندا وتەدى. سوت پروتسەسى اشىق تۇردە وتەدى. ايىپتالۋشىعا قاتىستى بۇلتارتپاۋ شاراسى سول كۇيىندە قالادى.
ەسكە سالا كەتەيىك, 23 قاراشادا الماتىداعى Sulpak ساۋدا ءۇيىنىڭ الدىنداعى قاراعاشتار زاڭسىز وتالعان بولاتىن. بۇل وقيعا كوپشىلىكتىڭ نارازىلىعىن تۋدىرعان ەدى. قالا اكىمى باقىتجان ساعىنتاەۆ پەن پرەزيدەنت قاسىم-جومارت توقاەۆ ايىپتىلارعا قاتىستى قاتاڭ جازا قولدانۋدى تاپسىرعان بولاتىن.
