ايماقتار • 09 ناۋرىز، 2021

وسكەمەندە ناۋقاس اۋرۋحانانىڭ تەرەزەسىنەن سەكىرمەك بولدى

19 رەت كورسەتىلدى

وسكەمەن قالاسىنىڭ اۋرۋحاناسىندا ناۋقاس ازامات تەرەزەدەن سەكىرمەك بولدى، دەپ حابارلايدى Egemen.kz

شقو بويىنشا قىلمىستىق-اتقارۋ جۇيەسى دەپارتامەنتى تەرگەۋ يزولياتورىنىڭ رەجيمى مەن قاۋىپسىزدىگى ءبولىمىنىڭ قىزمەتكەرلەرى ءمادي ورازامباەۆ پەن ەرجىگىت باقتياروۆ №4 قالالىق اۋرۋحانادا كەزەكشىلىكتە بولعان. ساعات 23.00 شاماسىندا ولاردان كومەك سۇراعان مەدبيكە ارعى پالاتاداعى پاتسيەنتتەردىڭ ءبىرى ءوزىن-ءوزى ولتىرۋگە وقتالعانىن ايتقان.

م.ورازامباەۆ دەرەۋ پالاتاعا بارىپ، تەرەزەدەن سەكىرمەك بولعان ادامدى اڭگىمەگە تارتقان. الايدا اشۋعا بۋلىققان ناۋقاس قىزمەتكەرگە جۇدىرىق جۇمساي جونەلەدى. باسىنا سوققى تيگەنىنە قاراماستان، ءمادي ونى بىردەن ۇستاپ العان. سودان كەيىن ەر ادامدى قاۋىپسىز جەرگە دەيىن كۇشتەپ اپارىپ، نە سەبەپتى سۋيتسيد جاساماقشى بولعانىن بىلۋگە تىرىستى.

«ەرلىك تانىتقان ءمادي ورازامباەۆقا زور العىسىمدى بىلدىرەمىن. سول ساتتە ونە-بويىمدى ۇرەي بيلەدى. اۋرۋحانادا قۇقىق قورعاۋ ورگانىنىڭ قىزمەتكەرلەرى كەزەكشىلىكتە تۇرعانىن كورگەندە لەزدە ولاردان كومەك سۇرادىم. ەگەر جەدەل ارەكەت ەتكەن ءمادي ورازامباەۆ بولماسا قايعىلى جاعدايدىڭ ورىن الۋى ابدەن مۇمكىن ەدى»، دەدى وسكەمەن قالالىق №4 اۋرۋحانانىڭ مەدبيكەسى ولگا چەرۆوننايا.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار