– ءبىز قاۋىپسىزدىك كەڭەسىنىڭ وتىرىسىن وتكىزىپ, وندا ماڭىزدى ماسەلەلەردى تالقىلادىق. ءتيىستى ستراتەگيانى بەكىتتىك, سونىڭ اياسىندا جۇمىس اتقارۋ قاجەت. قاۋىپسىزدىك كەڭەسىنىڭ اپپاراتى وندا ايقىندالعان مىندەتتەردىڭ جۇزەگە اسىرىلۋ بارىسىن قاداعالاۋعا ءتيىس, – دەدى ەلباسى.
سونداي-اق نۇرسۇلتان نازارباەۆ وتاندىق اسكەري-ونەركاسىپتىك كەشەندى دامىتۋ ماسەلەسىنە ەرەكشە نازار اۋداردى.
اسەت يسەكەشەۆ 2021-2025 جىلدارعا ارنالعان ۇلتتىق قاۋىپسىزدىك ستراتەگياسىن جۇزەگە اسىرۋ جونىندەگى شارالار جوسپارىن دايىنداۋ بارىسى تۋرالى باياندادى. سونىمەن بىرگە اپپاراتتىڭ ازاماتتاردىڭ قاۋىپسىزدىگىنە تونگەن قاۋىپ-قاتەرلەردى انىقتاۋ, الدىن الۋ مەن بەيتاراپتاندىرۋدىڭ جۇيەلى شارالارىن ازىرلەۋگە باعىتتالاعان جۇمىسى جايلى ايتىپ بەردى.
