بەلگىلى بولعانداي, ەر ادام قۇرىلىسى اياقتالماعان بەس قاباتتى عيماراتتىڭ شاتىرىنان سەكىرمەك بولعان. بىرنەشە مينۋتتان كەيىن ۋچاسكەلىك پوليتسيا قىزمەتكەرى عيماراتتىڭ توبەسىنە شىعىپ, جاس جىگىتتى اڭگىمەگە تارتىپ, ونى رايىنان قايتارۋعا تىرىسقان.
«29 جاستاعى جىگىت ءوزى جۇمىس ىستەگەن كاسىپورىن باسشىسىنىڭ ۇستىنەن شاعىمدانعان. ول جۇمىس بارىسىندا جاراقات العانىن جانە ول ءۇشىن ءالى كۇنگە دەيىن اقشالاي وتەماقى تولەنبەگەنىن ايتقان. ءوزارا ديالوگ كەزىندە پوليتسيا قىزمەتكەرى وعان بايىپپەن جاقىنداپ, سەكىرۋگە وقتالعان ساتتە قولىنان ۇستاپ, وزىنە تارتىپ قالدى», دەلىنگەن حابارلامادا.
