شاردارا اپب-ءنىڭ كەزەكشى بولىمىنە جەرگىلىكتى پوليتسيا قىزمەتىنىڭ تابيعاتتى قورعاۋ پوليتسياسىنىڭ ينسپەكتورلارى بەكمۇحامبەت تەنگەباەۆ جانە قۇرمانعازى ابديكاليكوۆ شاردارا سۋ قويماسىنان براكونەرلەر ۇستالعانى جونىندە حابارلاما جاسادى.
وقيعا ورنىنا جەتكەن جەدەل-تەرگەۋ توبىنىڭ قىزمەتكەرلەرى ەكى براكونەردىڭ سۋ قويماسىنا بالىق اۋلايتىن اۋ تورىمەن زاڭسىز بالىق اۋلاپ جاتقاندارى انىقتالدى. ايعاقتى زاتتار تاركىلەنىپ الىندى. سونداي-اق كۇدىكتى ازاماتتار شاردارا قالاسىنىڭ تۇرعىندارى بولىپ شىقتى. پوليتسيا قىزمەتكەرلەرى كۇدىكتىلەردى ءىستىڭ بارلىق ءمان-جايىن انىقتاۋ ءۇشىن اۋداندىق پوليتسيا بولىمىنە جەتكىزدى.
براكونەرلەردەن 120 كەلىگە جۋىق بالىق پەن بالىق اۋلاۋ قۇرالدارى تاركىلەندى. قازىرگى ۋاقىتتا اتالعان جايت قر قك-ءنىڭ 335-بابى 3-بولىگى (بالىق رەسۋرستارىن, باسقا دا سۋ جانۋارلارىن نەمەسە وسىمدىكتەردى زاڭسىز اۋلاۋ) بويىنشا سوتقا دەيىنگى تەرگەۋ امالدارى جۇرگىزىلۋدە. بۇگىنگى تاڭدا ەكى كۇدىكتى ازامات قولحاتتا.
ءوز كەزەگىندە, تۇركىستان وبلىسىنىڭ پوليتسەيلەرى ازاماتتارعا زاڭسىز بالىق اۋلاۋ, سونداي-اق قىزىل كىتاپقا ەنگىزىلگەن جانۋارلار مەن وسىمدىكتەردى جويۋ زاڭ اياسىندا جاۋاپقا تارتىلاتىنىن ەسكە سالادى.
