ءبىلىم • 05 ناۋرىز، 2021

كوكتەمدەگى ۇبت 10-ناۋرىزدا باستالادى

71 رەت كورسەتىلدى

جوعارى وقۋ ورنىنىڭ اقىلى بولىمىنە ءتۇسۋدى جوسپارلاعان تالاپكەرلەر ءۇشىن ۇيىمداستىرىلاتىن ناۋرىز ايىنداعى ۇلتتىق بىرىڭعاي تەستىلەۋ كومپيۋتەرلىك فورماتتا وتەدى. ەگەر بۇعان دەيىن كوكتەم ايىنداعى تەستىلەۋ تەك 10 كۇنگە سوزىلسا، بيىل قاتىسۋشىلارعا 1 اي ۋاقىت بەرىلدى. ناۋرىزداعى ۇبت-عا قاتىسۋ ءۇشىن app.testcenter.kz سىلتەمەسى بويىنشا تىركەلۋ قاجەت.  

پاندەر سانى ادەتتەگىدەي بەسەۋ: ءۇش مىندەتتى جانە ەكى بەيىندىك ءپان بويىنشا تەستىلەۋ جۇرگىزىلەدى. تەستىلەۋگە جالپى 4 ساعات (240 مينۋت) بەرىلەدى. ماكسيمالدى بالل – 140.

«جوو-نىڭ اقىلى بولىمىنە وقۋعا تۇسۋگە نيەت بىلدىرگەندەر ۇلتتىق تەستىلەۋ ورتالىعىنىڭ سايتى ارقىلى تىركەلە الادى. كوكتەمدەگى ۇبت 10 ناۋرىزدا باستالىپ، 10 ساۋىرگە دەيىن جالعاسادى.  تەستىلەۋ ەلەكتروندىق فورماتتا ء"بىر تەستىلەنۋشى – ءبىر كومپيۋتەر – ءبىر كامەرا" قاعيداسى بويىنشا وتەدى. سونداي-اق پروكتورينگ جۇيەسى قولدانىلادى، بەينەباقىلاۋ ورناتىلادى. تۇلعانى تسيفرلىق سايكەستەندىرۋ جۇيەسى – Face ID ۇبت-عا قاتىسپاق بولعان بوتەن ادامداردى انىقتاۋعا مۇمكىندىك بەرەدى. وسىنىڭ بارلىعى اكادەميالىق ادالدىق قاعيدالارىنىڭ ساقتالۋىن باقىلاۋدى كۇشەيتۋگە جاعداي جاسايدى»، دەدى قر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويباەۆ.

 

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار