قوعام • 05 ناۋرىز، 2021

Ashyq قوسىمشاسى ارقىلى تەكسەرىلەتىن جسن مالىمەتتەرى قايدا جىبەرىلەدى

7 رەت كورسەتىلدى

الماتى قالالىق سانيتارلىق-ەپيدەميالىق باقىلاۋ دەپارتامەنتىنىڭ باسشىسى جانداربەك بەكشين باق وكىلدەرىمەن ونلاين بريفينگ بارىسىندا Ashyq قوسىمشاسى ارقىلى تەكسەرىلەتىن جسن مالىمەتتەرى قايدا جىبەرىلەتىنىن ايتتى، دەپ حابارلايدى Egemen.kz

«جسن مالىمەتتەرى قر دسم-دا ورنالاسقان ورتالىق سەرۆەرگە جىبەرىلەدى. قازىر سايكەسىنشە شارا قابىلداۋ ءۇشىن الگوريتم ويلاستىرىلىپ جاتىر. بيزنەس نىسانى شارا قابىلداي المايدى، ول تەك ەرەجە بۇزۋشىلاردى انىقتايدى»، دەدى قالانىڭ باس سانيتار دارىگەرى.

جۇيەنىڭ تەحنيكالىق سيپاتتامالارى جايلى توو Digital innovation and transformation جشس ديرەكتورى ۆيتالي پۋستوۆويتەنكو جاۋاپ بەردى. ونىڭ ايتۋىنشا، ازاماتتار جەكە مالىمەتتەرىنىڭ بىرەۋگە جاريا بولاتىنىنا مۇلدە قاۋىپتەنبەۋى كەرەك.

«قازىر بۇل مالىمەتتەردى ەشقايدا جىبەرمەيمىز. ءبىز تەك جسن ساندارىن بازاعا ەنگىزىپ تەكسەرەمىز. جسن ءنومىرى بويىنشا ادامنىڭ قىزىل، سارى، نەمەسە جاسىل مارتەبەسى انىقتالادى. ەگەر مالىمەت بولماسا، ادام ءۇش كۇن ىشىندە پتر تەست تاپسىرماعان. ەگەر 7-8 كۇن بۇرىن تاپسىرساڭىز، ناتيجە تەرىس بولسا، ءسىزدىڭ مارتەبەڭىز كوك بولادى. ال «قىزىل» مارتەبە جاسىل مارتەبەگە اۋىسپايىنشا وزگەرمەيدى. ەگەر ادام ءۇش كۇن جاسىل مارتەبەدە جۇرسە، 2-3 كۇننەن سوڭ قايتادان كوك مارتەبەگە تۇسەدى. ياعني بازادا تىركەلىپ قالىپ قويمايدى»، دەدى ۆيتالي پۋستوۆويتەنكو.

تسيفرلاندىرۋ سالاسىنىڭ مامانى ايتقانداي، Ashyq قوسىمشاسى كاسىپكەرلەر اراسىندا وڭ باعالانىپ وتىر. جانداربەك بەكشين وسى قوسىمشانىڭ قاي مەكەمەلەردە ورناتىلاتىنىن ايتتى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار