ايماقتار • 05 ناۋرىز، 2021

ەكى-اق ءتورتى بار ەكەن، قالعانىنىڭ ءبارى بەس...

151 رەت كورسەتىلدى

بۇگىن قىزىلجارداعى «ابىلاي حان رەزيدەنتسياسى» مۋزەي كەشەنىندە ءاليحان بوكەيحانوۆتىڭ 155 جىلدىعىنا ارنالعان ء«اليحان بوكەيحان –تاۋەلسىزدىك جارشىسى» اتتى جىلجىمالى كورمەنىڭ اشىلۋى بولدى. كورمە ءا.بوكەيحاننىڭ سەمەيدەگى مۋزەيىنەن كەلىپتى، ەندى ول ەكى اپتا بويى قىزىلجار تۇرعىندارىنا تانىستىرىلادى.

كورمەنىڭ اشىلۋ سالتاناتىندا «ابىلاي حان مۋزەي كەشەنىنىڭ» ديرەكتورى ايان ساداەۆ سويلەپ، ءاليحان بوكەيحاننىڭ قازاق حالقىنىڭ تاريحىنداعى ورنى تۋرالى بايانداپ، جىلجىمالى مۋزەيگە قويىلعان ەكسپوناتتار ءاربىر كورەرمەنگە ۇلت كوسەمى تۋرالى تانىمدى مولايتا تۇسەتىنىن ايتتى. وسىدان كەيىن سالتاناتتا م.قوزىباەۆ اتىنداعى سولتۇستىك قازاقستان ۋنيۆەرسيتەتىنىڭ تاريح جانە الەۋمەتتىك گۋمانيتارلىق پاندەر كافەدراسىنىڭ مەڭگەرۋشىسى نۇربولات ءابۋوۆ سويلەپ، جينالعاندارعا ءاليحان بوكەيحاننىڭ تاريحي ەڭبەكتەرى تۋرالى ءبىرشاما ماعلۇماتتار بەردى. ءسوز بەرىلگەندە ءبىز دە ءاليحاننىڭ جۋرناليستىك ەڭبەگى تۋرالى بايانداپ، ونىڭ «ستەپنوي كراي»، «ورىس-ءسىبىر گەوگرافيالىق قوعامىنىڭ باسىلىمدارىندا قازاق حالقى تۋرالى كوپتەگەن مالىمەتتەر جازىپ، ورىس وقىرماندارىنا ۇلتىنىڭ ادەبيەتى مەن ونەرىنەن مول ماعلۇماتتار بەرىپ تۇرعانى تۋرالى ايتتىق. ال جاس اقىن دياس اياعان اليحانعا ارناعان ولەڭىن وقىدى.

مۋزەيدە ءاليحان بوكەيحاننىڭ سانكت-پەتەربۋرگتىڭ يمپەراتورلىق ورمان شارۋاشىلىعى ينستيتۋتىن بىتىرگەن اتتەستاتىنىڭ كوشىرمەسى دە بار ەكەن. قازاق دالاسىنان كەلگەن جاس جىگىت ەكى-اق ساباقتان ءتورت الىپتى، قالعانىنىڭ ءبارى بەس ەكەن... باسقا قۇجاتتاردىڭ دا ماڭىزى زور. سونىڭ ىشىندە «ورىس ء–سىبىر گەوگرافيالىق قوعامىنىڭ» گازەتىنە ۇلى ابايعا جازعان قازاناماسىنىڭ دا تۇپنۇسقاسىنىڭ كوشىرمەسى تۇر. ورىس وقىرماندارى تۇگىل قالىڭ قازاق تا بىلە بەرمەيتىن دەرەكتەر بۇل ۇزاق قازانامانىڭ ونە بويىنان ورىن العان. ءبىر سوزبەن ايتقاندا ءاليحان بوكەيحان تۋرالى كورەرمەندەرگە بەرەر دەرەگى مول.

قىزىلجار  

 

 

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار