بقو سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆتىڭ وڭىرلىك كوممۋنيكاتسيالار قىزمەتى الاڭىندا ءمالىم ەتكەنىندەي, سونىڭ 2483-ىندە اۋرۋ بەلگىلەرى بولسا, قالعان 1558-ءى – سيمپتومى جوقتار.
ىندەت باستالعالى وڭىردە 13262 ادام دەرتكە شالدىقسا, سونىڭ 10941-ءى ساۋىعىپ شىقتى. 199 ادام قايتىس بولدى. اقپاننىڭ 1-ىنەن بەرى 2204 ادامنان كوروناۆيرۋس انىقتالدى. اۋىرعاندارمەن قارىم-قاتىناستا بولعان 4025 ادام مەديتسينالىق باقىلاۋعا الىندى.
نۇرلىبەك ەرمەك ۇلىنىڭ سوزىنە قاراعاندا, سوڭعى اپتادا (26 اقپان – 4 ناۋرىز) الدىڭعىمەن سالىستىرعاندا, جۇقتىرۋ كورسەتكىشى 3,2 پايىزعا (432-دەن 418-گە) تومەندەدى. اقپان ايىنان بەرى سىرقاتتانعانداردىڭ 34,3 پايىزى (757 ادام) – جۇمىس ىستەيتىندەر, 25 پايىزى (553) – زەينەتكەرلەر, 20,1 پايىزى (445) – جۇمىسسىزدار, 7,8 پايىزى (173) – وقۋشىلار, 3,1 پايىزى (70) – مەديتسينا قىزمەتكەرلەرى, 3 پايىزى (68) – مۇعالىمدەر.
«وقۋ جىلى باستالعاننان بەرى بارلىعى 495 شاكىرتتەن (251-ءى ءداستۇرلى سيپاتتا, 244-ءى قاشىقتان ءبىلىم الادى) كوۆيد تابىلدى. ءۇشىنشى توقساندا, ياعني 11 قاڭتاردان باستاپ 280 (153-ءى ءداستۇرلى, 127-ءسى قاشىقتان) وقۋشى ىندەت جۇقتىردى. 14 اقپان مەن 4 ناۋرىز ارالىعىندا قالا مەن اۋدانداردىڭ باس مەملەكەتتىك سانيتار دارىگەرلەرىنىڭ قاۋلىسىمەن 22 مەكتەپتەگى 64 سىنىپ كارانتينگە جابىلدى», دەدى ن.مۇستاەۆ.
ەسكە سالا كەتەيىك, بۇدان بۇرىن بقو-دا كوروناۆيرۋسقا قارسى ەگىلەتىن 5500 دوزا ۆاكتسينا جەتكىزىلگەنىن جازعان بولاتىنبىز.
