الداعى 9 ناۋرىزدا باس سانيتاردىڭ جاڭا قاۋلىسى كۇشىنە ەنەدى

مەديتسينا • 05 ناۋرىز، 2021

الداعى 9 ناۋرىزدا باس سانيتاردىڭ جاڭا قاۋلىسى كۇشىنە ەنەدى

22 رەت كورسەتىلدى

دسم باس مەملەكەتتىك سانيتار دارىگەرى ەرلان قياسوۆتىڭ جاڭا قاۋلىسى جاريالاندى، دەپ حابارلايدى Egemen.kz

جاڭا قاۋلىعا سايكەس، قىلمىستىق-اتقارۋ مەكەمەلەرىندە سانيتاريالىق-دەزينفەكتسيالىق رەجيمدى ساقتاۋ الگوريتمى» اتتى 24-قوسىمشادا 4-تارماق وزگەرتىلدى.

«4. ماسكالاردى نەمەسە رەسپيراتورلاردى، رەزەڭكە قولعاپتاردى مىندەتتى تۇردە پايدالانا وتىرىپ جانە تەرگەۋ ارەكەتتەرىنە قاتىسۋشىلار اراسىندا كەمىندە 2 مەتر قاشىقتى ساقتاپ، شۇعىل تەرگەۋ ارەكەتىن جۇرگىزۋ ءۇشىن تەرگەۋشىگە، ادۆوكاتقا جانە قورعاۋشىعا شىعارۋدى قوسپاعاندا، سوتتالعانداردىڭ، كۇدىكتىلەردىڭ جانە ايىپتالۋشىلاردىڭ قاتىسۋىمەن جۇرگىزىلەتىن بارلىق شارالاردى شەكتەۋ»، دەپ جازىلعان جاڭا قاۋلىدا.

ال 2020 جىلعى 25 جەلتوقسانداعى № 68 قاۋلىدا 2-تارماقتىڭ 9) تارماقشاسى جاڭا رەداكتسيادا جازىلدى.

«9) 2020-2021 وقۋ جىلىنىڭ ءۇشىنشى توقسانىندا:

– وقۋشىلار سانى 300-گە دەيىن كونتينگەنتى بار، سىنىپتاردا 15-تەن كوپ ەمەس بالا سانىمەن قالالىق جانە اۋىلدىق مەكتەپتەردە ءداستۇرلى فورماتتا وقىتۋعا;

– 2021 جىلعى 1 ناۋرىزدان باستاپ جالپى ءبىلىم بەرەتىن مەكتەپتەردە مەكتەپالدى سىنىپتاردىڭ، 1 سىنىپتان 5 سىنىپقا دەيىن قوسا العاندا، حالىقارالىق مەكتەپتەردە 1 سىنىپتان 7 سىنىپقا دەيىن قوسا العاندا، سىنىپتاردا 25-كە دەيىن بالا سانىمەن وقۋشىلاردى ارالاس فورماتتا وقىتۋعا;

– وقۋ بىتىرەتىن سىنىپتار (9، 11 (12) سىنىپتار) ءۇشىن اپتانىڭ 6 كۇنىندە ارالاس فورماتتا وقىتۋعا: پاندەردىڭ 70%-ى شتاتتىق رەجيمدە، 30%-ى قاشىقتان وقىتۋعا (سىنىپتا 15 ادامنان ارتىق ەمەس، «1 سىنىپ – 1 كابينەت» قاعيداتى بويىنشا وقىتۋ، سانيتاريالىق-دەزينفەكتسيالىق جانە ماسكا رەجيمدەرىن ساقتاۋ);

– ءبىلىم بەرۋ مەكەمەسى اكىمشىلىگىنىڭ شەشىمىمەن ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا رۇقسات بەرۋدى قامتاماسىز ەتسىن»، دەلىنگەن قاۋلىدا. سونىمەن بىرگە، 2-تارماقتىڭ 16) تارماقشاسىنا دا وزگەرىستەر ەنگىزىلگەن.

«16) وسى قاۋلىعا 4-قوسىمشاعا سايكەس ولشەمشارتتار نەگىزىندە الەۋمەتتىك-ەكونوميكالىق نىساندار قىزمەتىن شەكتەۋدى قامتاماسىز ەتسىن.

بۇل رەتتە كارانتيندىك شارالاردى كۇشەيتۋ ەپيدەميالىق جاعداي اسقىنعان جاعدايدا 5 كۇن ىشىندە جۇرگىزىلەدى («جاسىل» ايماقتان «سارى» ايماققا نەمەسە «قىزىل» ايماقتان «سارى» ايماققا كوشۋ)، كارانتيندىك شارالاردى جەڭىلدەتۋ «قىزىل» ايماقتان «سارى» ايماققا نەمەسە «سارى» ايماقتان «جاسىل» ايماققا كوشكەن سوڭ 7 كۇننەن ەرتە جۇرگىزىلمەيدى»;

اتالعان قاۋلى 2021 جىلعى 9 ناۋرىزدا ساعات 00:00-دەن باستاپ كۇشىنە ەنەدى. قاۋلىنىڭ تولىق نۇسقاسىمەن مىنا جەردەن تانىسۋعا بولادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز