ۇكىمەت • 05 ناۋرىز، 2021

رومان سكليار مۇناي ونىمدەرىن تاۋارلىق بيرجا ارقىلى ساتۋ تۋرالى ايتتى

9 رەت كورسەتىلدى

2021 جىلدىڭ ناۋرىزىنان مۇناي ونىمدەرىن تاۋارلىق بيرجا ارقىلى ساتۋدى قامتاماسىز ەتۋ قاجەت. بۇل تۋرالى بۇگىن قر پرەمەر-ءمينيسترىنىڭ ورىنباسارى رومان سكليار ايتتى.

«ەڭ الدىمەن مينيسترلىك تەڭىزدىڭ بولاشاقتاعى كەڭەيۋى جوباسى، گازعا قاتىستى وندىرىستىك شەكتەۋلەردى الىپ تاستاۋ جانە قاراشىعاناقتا گازدى كەر ايدايتىن 4-ءشى كومپرەسسور جوباسى سىندى ءىرى نەگىزگى جوبالاردى جۇزەگە اسىرۋ جۇمىستارىن جالعاستىرۋ كەرەك. ەكىنشىدەن، شەتەل ينۆەستورلارى كەڭەسى اياسىندا مەملەكەت باسشىسىنىڭ مەملەكەتتىڭ قاشاعان جوباسىن جۇزەگە اسىرۋعا قاتىسۋ تيىمدىلىگىن ارتتىرۋ تۋرالى بەرگەن حاتتامالىق تاپسىرماسىنا سايكەس، وسى جىلى قاشاعان كەن ورنىنىڭ شيكىزاتى بازاسىندا قۋاتى 1،150 ملرد تەكشە مەتر شيكىز گاز بولاتىن گاز وڭدەۋ زاۋىتىن باستاۋ قاجەت»، دەدى ۇكىمەت باسشىسىنىڭ ورىنباسارى قر ەنەرگەتيكا مينيسترلىگىنىڭ كەڭەيتىلگەن القا وتىرىسىندا.

سونىمەن قاتار ول قر پرەزيدەنتى حالىققا ارناعان جولداۋىندا مۇناي ونىمدەرى سالاسىندا بيرجالىق ساۋدانى رەتكە كەلتىرۋدى جانە جەتىلدىرۋدى تاپسىرعانىن ەسكە سالىپ ءوتتى. «وسىعان وراي، ەنەرگەتيكا مينيسترلىگى ساۋدا جانە ينتەگراتسيا مينيسترلىگىمەن بىرلەسىپ، وسى جىلدىڭ ناۋرىزىنان-اق مۇناي ونىمدەرىن تاۋارلىق بيرجا ارقىلى ساتا باستاۋدى قامتاماسىز ەتۋى كەرەك»، دەدى رومان سكليار.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار