پەتروپاۆلدىڭ جول ءتارتىبىن باقىلايتىن پاترۋلدەرى بارلىق جاياۋ جۇرگىنشىلەرگە وسىنداي جاعدايدى كورسە دەرەۋ فوتوعا ءتۇسىرىپ, 102 نومىرىنە سالىپ جىبەرۋدى وتىنۋدە. قولىنا فوتو مەن شاعىم دابىلى تۇسكەن پوليتسيا ءتارتىپ بۇزۋشىنى بىردەن ۇستاپ, ءتيىستى جازاعا تارتادى. ال مۇنىڭ جاياۋ جۇرگىنشىگە ەش قيىندىعى جوق, ەشكىممەن ماشيناڭدا نەگە بەلگىلەنبەگەن جەرگە قوياسىڭ دەپ ۇرسىپ – تالاسپايدى. تەك فوتوسىن جىبەرە سالسا بولعانى. قازىر جۇرتتىڭ ءبارىنىڭ قالتاسىندا قالتافون بار, ءتۇسىرىپ ال دا مەكەنجايدى كورسەتىپ 102-گە قويا بەرسە بولعانى. بۇل ءتارتىپ بۇزۋشىلاردى قۇرىقتاۋدىڭ ەڭ وڭاي جولى. «مۇنىڭ مۇمكىندىگى اسا جوعارى. «102» قوسىمشاسى بايلانىستىڭ بىرىزدىلىگى بولىپ تابىلادى, ول كەز-كەلگەن ىڭعايلى فورماتتا پوليتسياعا جۇگىنۋگە مۇمكىندىك بەرەدى: فوتو جانە بەينە ماتەريالدار, اۋديو جانە بەينە قوڭىراۋ سالىنعان ماتىندىك حابارلاما. گەولوكاتسيا پايدالانۋشىنىڭ تۇرعان جەرىن انىقتاۋعا, قوڭىراۋدى قابىلداۋعا نەمەسە تۇرعان مەكەنجايىن ايتۋدا ادامعا قيىندىق تۋىنداعان جاعدايدا وعان كومەك كورسەتۋگە مۇمكىندىك بەرەدى. «SOS» تۇيمەسى سيگنالدىڭ گەولوكاتسياسى بويىنشا ءپاترۋلدىڭ شۇعىل شىعۋىن تالاپ ەتەدى, - دەيدى سقو پد باستىعى, پوليتسيا پولكوۆنيگى مارات تولەباەۆ.
سولتۇستىك قازاقستان وبلىسى
