ءىس-شاراعا مەملەكەت جانە قوعام قايراتكەرى مىرزاتاي جولداسبەكوۆ, اقىن, بالالار جازۋشىسى بايانعالي ءƏلىمجانوۆ, قازاقستان جازۋشىلار وداعى نۇر-سۇلتان قالاسى فيليالىنىڭ ديرەكتورى داۋلەتكەرەي كəپ ۇلى, ت.ب. زيالى قاۋىم وكىلدەرى قاتىستى.
مەملەكەت باسشىسى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ IV وتىرىسىندا بالالار مەن جاسوسپىرىمدەر اراسىنداعى وقۋ ماسەلەسىنىڭ ماڭىزدىلىعىن اتاپ وتكەن بولاتىن. سونداي-اق بۇل ماسەلەدەگى كىتاپحانالاردىڭ مارتەبەسىنە نازار اۋدارا وتىرىپ, ەلىمىزدىڭ بارلىق تۇرعىندارىنىڭ كۇش-جىگەرىن قازاقستاندىق وقىرمان ۇرپاقتى تاربيەلەۋگە شاقىردى.
كەزدەسۋ بارىسىندا اقتوتى راحمەتوللاقىزى بالالار مەن جاسوسپىرىمدەردىڭ شىعارماشىلىق قابىلەتى مەن جاڭا باستامالارىنا مينيسترلىك ارقاشان قولداۋ كورسەتە بەرەتىندىگىن ايتتى.
«الداعى ۋاقىتتا ءال-فارابي بابامىزدىڭ «تاربيەسىز بەرىلگەن ءبىلىم – ادامزاتتىڭ قاس جاۋى» دەگەن ءسوزى بارشا بالالارىمىزدىڭ بوي تۇزەر باعدارى بولۋى ءتيىس. ياعني ءبىزدىڭ ۇرپاعىمىز ءوزىن جەكە تۇلعا رەتىندە دامىتۋمەن قاتار مەملەكەتتىڭ وزىق يننوۆاتسيالارىنا ساي زور ۇلەس قوسۋى قاجەت.
سونىڭ ىشىندە, تۋعان جەرگە, قورشاعان ورتاسىنا, ءوز مادەنيەتى مەن ادەبيەتىنە قۇرمەتپەن قاراپ, ءوز ورتاسىندا, دوستارىنىڭ اراسىندا ۇلتتىق قۇندىلىقتاردى دارىپتەۋى ءتيىس. وسى ورايدا, 2021 جىلدىڭ قازاقستاندا «بالالار مەن جاسوسپىرىمدەردىڭ كىتاپ وقۋىن قولداۋ جىلى» دەپ جاريالانۋى ءدال وسىنداي باعىتتاعى وتە قاجەتتى, دۇرىس باستاما دەپ سانايمىز», دەدى مينيستر. سونداي-اق بۇل شارالاردىڭ ەل تاۋەلسىزدىگىنىڭ 30 جىلدىعىنا وراي ۇيىمداستىرىلىپ وتىرعاندىعىن دا اتاپ ءوتتى.
ءىس-شارادا ماناسشى, قازاقستاننىڭ ەڭبەك سىڭىرگەن قايراتكەرى بايانعالي ءƏلىمجانوۆ ء«بىز بالا كۇنىمىزدە كىتاپ وقىدىق. ول كەزدە سمارتفون, ينتەرنەت بولعان جوق. كىتاپتى تالاسىپ وقيتىن ەدىك. بىزگە اكادەميك مالىك عابدۋللين ساباق بەرگەن كەزدە «قاراقتارىم, كۇنىنە كەم دەگەندە 1 ساعاتتارىڭدى ورىس, قازاق, شەتەل ادەبيەتىنە ارناڭدار. سونىمەن سەندەر تالاي جەرگە باراسىڭدار» دەيتىن. ەندى وسى كۇنى مەن 1 ساعات ەمەس,
15-20 مينۋتتارىڭدى بولسەڭدەر دە جامان بولمايسىڭدار دەيمىن», دەپ كەزدەسۋگە قاتىسقان بالالاردى كىتاپ وقۋعا شاقىردى.
