قوعام • 05 ناۋرىز، 2021

نازىك تە ەرجۇرەك ارۋلار

64 رەت كورسەتىلدى

ەلىمىزدىڭ دامۋىنا ەر ازاماتتارمەن قاتار ۇلەس قوسىپ جۇرگەن نازىك جاندىلار وتە كوپ. ولاردىڭ عىلىمدا دا، شىعارماشىلىقتا دا، سپورتتا دا، ساياساتتا دا وزىندىك ورىندارى بار. پرەزيدەنت قاسىم جومارت كەمەل ۇلى توقاەۆ وتباسى ينستيتۋتىن، كوپ بالالى انالاردى، كاسىپكەر ايەلدەردى قولداۋ جانە گەندەرلىك تەڭدىكتى قامتاماسىز ەتۋ – مەملەكەتتىك ساياساتتىڭ اسا ماڭىزدى باسىمدىعى ەكەندىگىن اتاپ كورسەتكەن بولاتىن.

توتەنشە جاعدايلار قىزمەتى تۋرالى ءسوز قوزعالعان كەزدە ءاربىر ادام ەرجۇرەك جانە باتىل ەر ازاماتتاردى ەسكە الادى. بىراق بۇل سالادا نازىك جاندىلار دا قىزمەت اتقارىپ ءجۇر. ازاماتتىق قورعاۋ ورگاندارى جۇيەسىندە ايەلدەر ءارتۇرلى ماماندىقتاردا جۇمىس ىستەيدى. ولاردىڭ دا ەڭبەگى ماڭىزدى. نازىك جاندىلار ەر ازاماتتارعا ءتان ماماندىقتى ادال دا، قايسارلىقپەن اتقارىپ، ەلىمىزدىڭ ازامات­تارى مەن اۋماعىن ءارتۇرلى سيپاتتاعى توتەنشە جاعدايلاردان قورعايدى.

ازاماتتىق قورعاۋ ورگاندارىنداعى قىزمەت اتقارۋ ءۇشىن ايەل ادامدار ناقتى داع­دىلاردى مەڭگەرۋى قاجەت. كاسىبي جا­عى­­­­نان العاندا دا، ولار ەر ازاماتتاردان كەم تۇس­­پەي­دى. كەي كەزدەرى ءتىپتى ءوز جاۋاپكەرشىلىگى­­-
مەن ەر ا­زاماتتاردان اسىپ تۇسەدى.

بۇگىنگى كۇنى ازاماتتىق قورعاۋ ورگاندارىندا 3452 ايەل قىزمەت اتقارادى، ياعني، ولار جەكە قۇرامنىڭ 11%-ىن قۇرايدى، ونىڭ ىشىندە 1509 اسكەري جانە اتتەستاتتالعان قىزمەتشى، 1534 ازاماتتىق قىزمەتشى، 409 اكىمشىلىك مەملەكەتتىك قىزمەتشى بار. سالادا قىزمەت اتقارىپ جۇرگەن ايەلدەردىڭ ورتاشا جاسى – 39. جۇيەدە 4 جانە ودان كوپ بالاسى بار 137 انا بار. 84 ايەل قاتارداعى ماماننان باسشىلىق قۇرامعا دەيىنگى لاۋازىمدا قىزمەت اتقارادى. 59 ايەل ادام ءورت ءسوندىرۋشى جانە قۇتقارۋشى وتباسىلىق اۋلەتىن جالعاستىردى. 43 ايەل ادام وسى جۇيەدە 30-دان استام جىل بويى قىزمەت اتقارىپ كەلەدى.

نازىك جاندى ارىپتەستەرىمىزدىڭ اراسىندا ەر ازاماتتارعا ءتان ماماندىقتا قىزمەت اتقارىپ جۇرگەن قىز-كەلىنشەكتەردى اتاپ وتكەن ءجون. ازاماتتىق قورعاۋ ورگاندارىندا ۇشقىش، كينولوگ، قۇتقارۋشى، ديسپەتچەر، راديوتەلەفونيست، ينسپەكتور، تج باسقارمالارىنىڭ، بولىمدەرىنىڭ باستىقتارى، پسيحولوگ، مەديك ايەل ادامدار قىزمەت اتقارادى. ايەل ادامدار ورتالىق اپپاراتتا دا  ءوز قىزمەتىن كورسەتۋدە. ءورت-قۇتقارۋ سپورتى بويىنشا چەمپيون بولعان جانە رەكورد جاساعان ايەلدەر دە بار.

توتەنشە جاعدايلار قىزمەتى جۇيەسىندە 720 ديسپەتچەر، 401 مەديتسينا قىزمەتشىسى، 156 باسشى، 72 پسيحولوگ، 70 قۇتقارۋشى، 9 ءورت ءسوندىرۋشى، 6 كينولوگ، 2 ۇشقىش ايەل  قىزمەت اتقارادى. ءارتۇرلى قىزمەتتەردەن 129 ايەل  تج ورنىنا شىعادى. 108 ينسپەكتور ايەل ءورت قاۋىپسىزدىگى جانە ازاماتتىق قورعانىس وبەكتىلەرىن تەكسەرۋدى جۇزەگە اسىرادى.

سالادا جاس ايەلدەر دە از ەمەس. ما­سە­لەن، نۇر-سۇلتان قالاسى تجد №3 مامان­داندىرىلعان ءورت ءسوندىرۋ ءبولىمىنىڭ اعا باي­لانىس شەبەرى، قاتارداعى ازاماتتىق قور­عاۋ قىزمەتشىسى ديانا نازارەنكو مەن ء«ورت ءسوندىرۋشى» اق قاراعاندى وبلىسى فيليالىنىڭ №10 ءورت اۆاريالىق-قۇتقارۋ ءبولىمىنىڭ راديوتەلەفونيسى يرايدا سەيداحمەتتىڭ جاسى جيىرمادان عانا استى.

ال ەڭ جاسى ۇلكەن ايەل ماماندار: 1947 جىلى تۋعان اپاتتار مەديتسيناسى ور­تا­لى­عىنىڭ شۇعىل مەديتسينالىق كومەك كور­سەتۋ ءبولىمىنىڭ باسشىسى ا.قوجاباەۆا، 1953 جىلى تۋعان قاراعاندى وبلىسى تجد ءورت ءسوندىرۋ جانە اۆاريالىق-قۇتقارۋ جۇ­مىس-­
تارى قىزمەتىنىڭ تەحنيكالىق قىزمەت كور­سەتۋ ءبولىمى باسشىسىنىڭ ورىنباسارى زويا شابوۆتا، 1955 جىلى تۋعان پاۆلودار وب­لىسى ء«ورت ءسوندىرۋشى» اق فيليالىنىڭ «كوم­پانيا نەفتەحيم LTD» جشس وبەك­تى­­لەردى كۇزەتۋ جونىندەگى اۆاريالىق-قۇت­قارۋ قىزمەتىنىڭ اعا نۇسقاۋشىسى نازارچۋك يرينا.

ءورت سوندىرۋشىلەر مەن قۇتقارۋشى­لار كۇن سايىن قيىن جاعدايعا تاپ بول­عان ادامدارمەن كەزدەسەدى، ءوز ءومىرىن قاۋىپ­كە تىگىپ، زارداپ شەككەن ادامدارعا كو­مەك كورسەتەدى. ولاردىڭ اراسىندا ءورت سوندىرۋگە شىعاتىن ءبىرلى-جارىم ايەل ادامدار دا بار.

الايدا سالاداعى ايەلدەردىڭ نەگىزگى بولىگى وزدەرىنىڭ قىزمەتتىك مىندەتتەرى اياسىندا ماڭىزدى فۋنكتسيالاردى ءمىنسىز ­ورىندايدى. اتاپ ايتقاندا، قاجەتتى اقپا­رات­تى قابىلدايدى جانە بەرەدى، ماتەريال­دىق-تەحنيكالىق جاراقتاندىرۋدى قام­تاما­سىز ەتەدى، ءورتتىڭ تۋىنداۋىنىڭ الدىن الۋ ماقساتىندا كۇزەتىلەتىن وبەكتىلەر­دى ­ينسپەكتسيالايدى. سونداي-اق كەڭسە جۇ­­مىسى، جۇمىسقا قابىلداۋ، جالاقى ەسەپتەۋ سياقتى ماڭىزدى باعىتتاردا دا قىز­­مەت ەتەدى. جالپى، جۇيەدەگى جۇمىس ۇيىم­شىلدىقتى، ورىنداۋشىلىقتى، جاۋاپ­كەرشىلىكتى، ادال­دىقتى تالاپ ەتەدى.

ءاربىر ماماندىقتىڭ وزىنە ءتان قيىن­دىقتارى بولادى. ديسپەتچەرلەردە – بۇل ءۇش تاۋلىك سايىنعى كەزەكشىلىك، ۇلكەن قاۋىرت جانە جاۋاپكەرشىلىك جاع­دا­يىن­دا جۇمىس ىستەۋ، ءورتتىڭ الدىن الۋ. بولىم­شەنىڭ ينجەنەرلەرى كۇزەتى­لەتىن وبەك­تىلەردى ينسپەكتسيالايدى، پسي­حو­لوگ­تەر وقيعالار ايماعىنداعى ادام­دار­عا شۇعىل پسيحولوگيالىق كومەك كورسە­تەدى.

قىزمەتتىك پارىزعا ادالدىق، مامان­دىققا دەگەن سۇيىسپەنشىلىك، ەرىك-جىگەر جانە ەل­گەزەكتىك قۇتقارۋ ۆەدومستۆوسىنىڭ قىز­مەت­كەرلەرىنە وزدەرىنىڭ قيىن جۇمىس­تا­رىن لايىقتى ورىنداۋعا مۇمكىندىك بەرەدى.

سالادا قىزمەت بارىسىندا ەرەكشە تابىستارعا قول جەتكىزگەن ايەلدەر بار­شى­لىق. بۇعان ولاردىڭ اتقارىپ وتىرعان باسشىلىق لاۋازىمدارى، اتاقتارى دالەل بولا الادى.

توتەنشە جاعدايلار قىزمەتى جۇيەسىندە ەڭبەك ەتىپ جۇرگەن نازىك جاندىلار ماڭىزدى ماسەلەلەردى شەشەدى. ولاردىڭ ساۋاتتى ءىس-قيمىلدارى اسا ماڭىزدى. ورتتەردى ءسوندىرۋ، ءارتۇرلى توتەنشە جاعدايلاردى جويۋ كەزىندە ولاردىڭ باتىل ءىس-قيمىلدارى شەشۋشى ءرول اتقارىپ جاتادى.

وسى ورايدا اتالعان سالادا قىزمەت ەتىپ جۇرگەن ايەلدەرگە «سىزدەر ادامداردى قورعاۋ جانە قۇتقارۋ جولىنداعى يگى ىسكە ۇلكەن ۇلەس قوسىپ جۇرسىزدەر. سىزدەرcىز تج جۇيەسىندەگى جۇمىس تياناقتى بولماس ەدى»، دەگىم كەلەدى.

مەيرام قۇتتى بولسىن، نازىك تە ەر­جۇرەك ارۋلار!

 

مەرەكە پىشەمباەۆ،

توتەنشە جاعدايلار ءمينيسترىنىڭ ورىنباسارى

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

ۇقساس جاڭالىقتار