رۋحانيات • 05 ناۋرىز، 2021

مەيىرىم

37 رەت كورسەتىلدى

كوكشەگە كوكتەم كەش كەلەدى. ناۋرىز ايى تۋسا دا بەت شىمشيتىن اياز بار، سىرعىما ءجۇرىپ تۇر. العا باسقان قادامىڭدى دولى جەل كەرى يتەرەدى. جەتىم توقتىنىڭ جاباعى جۇنىندەي تۇتاسقان الا بۇلتتىڭ ارعى جاعىنان كۇننىڭ كوزى ك ۇلىمدەيدى. شاپاعاتىن توككىسى، مەيىرىمىمەن مەيىرىڭدى قاندىرعىسى كەلەتىندەي.

تاعدىر جولى سان تاراۋ. وبلىس ورتالىعى مەن كراسنويار اۋىلىن جالعاپ جاتقان تاسپا جولدىڭ اتتانار جاق جاعالاۋى جاڭادان سالىنىپ جاتقان قالاشىق. 2016 جىلى ءوز جۇمىسىن باستاعان قارتتار مەن مۇگەدەكتەرگە ارنالعان جەكە پانسيوناتتىڭ عيماراتى الىستان مەنمۇندالاپ كورىنەدى ەكەن. الدەبىر سەزىم كوڭىلدى الاڭ ەتىپ تابالدىرىعىنان اتتادىق. سۋىق بولار دەگەنبىز، تىرشىلىك توڭدىرعان، تاعدىردىڭ ايازى قارىعان. الا بۇلتتىڭ ءار جاعىنداعىداي كۇننىڭ كوزى كوكتەم شۋاعىن شاشار ما؟ سويتسەك، مۇنتازداي تازا، قۇستىڭ ۇياسىنداي جىپ-جىلى ەكەن. جاتىن بولمەلەرىندە دە، ات شاپتىرىم اسحانادا دا كولدەنەڭ جاتقان ءبىر بۇراۋ جوق. قاي تاراپتان دا ۇقىپتى قولدىڭ تابى انىق بايقالادى. پانسيوناتتاعى قاريالار دا ءتاپ-ءتاۋىر تازا كيىنگەن. كوپتىڭ اراسىندا وتىرعان جاستاردى دا كوزىمىز شالىپ قالدى. ءمان-جايعا كەيىن قانىققانبىز.

– «دامۋ» كاسىپكەرلىكتى دامىتۋ قورىنان نەسيە الدىق، – دەيدى قارتتار مەن مۇگەدەكتەرگە ارنالعان ء«ۇمىت-شاڭىراق» جەكە پانسيوناتىنىڭ قۇرىلتايشىسى عاليا راحيمبەرلينا، – قالانىڭ ىشىندە، ورتالىعىندا عيمارات تىم قىمبات بولدى، 300 مىڭ اقش دوللاردىڭ شاماسىندا. وعان قاراجاتىمىز جەتپەگەن سوڭ وسى ارادان 725 شارشى مەتر كولەمىندەگى عيماراتتى ساتىپ الدىق. 55 ادامدى پانالاتۋعا مۇمكىندىگىمىز بار.

نەگىزى بۇل – بيزنەس ەمەس، يماندى، ساۋاپتى شارۋا. ەگەر پايدا ىزدەگەن ادام بولسا، كولەمى 700 شارشى مەتردەن اساتىن عيماراتتى مەيرامحاناعا اينالدىرىپ جىبەرگەندە، تابىسى شاش ەتەكتەن بولار ەدى. ايتپەسە قوناقۇي دە اشۋعا بولار. ال جالعىزىلىكتى جانداردىڭ جايىن ويلاۋ – جالپى جۇرتقا ونەگە بولاتىن ءىس.

– ءومىر بولعان سوڭ نەبىر جايلار بولادى ەمەس پە؟ جاراتقان باسقا سالماسىن دەڭىز. تۇلدىر جەتىمدەرمەن بىرگە بالا-شاعالارى بار قاريالار دا پانالاپ وتىر. ولاردىڭ پەرزەنتتەرى رەسەي، گەرمانيا ءتارىزدى شەت ەلدەرگە كوشىپ كەتكەن، ال وزدەرى وسىندا. ء«ومىردىڭ باسى سايران، سوڭى ويران» دەگەندەي، پەشەنەلەرىنە جازىلعان پەندەنىڭ تاعدىرى دا. ارقايسىسىمەن تانىسا كەلە، ىشكى جان-دۇنيەسىنە ۇڭىلە كەلە كوكىرەكتەرىنە قاتپار-قاتپار مۇڭ تۇنعانىن ايقىن اڭعاراسىڭ. سول مۇڭدى سەيىلتكىڭ كەلەدى، – دەيدى عاليا بەركىمبايقىزى.

ايتسا ايتقانداي، تەڭ قۇربىسى سەلدىرەگەن قاريالارعا ءبىر ءسات وزدەرىمەن وزدەرى شۇيىركەلەسىپ، اڭگىمەلەسۋدىڭ ءوزى – كوڭىل سەرپىلتەتىن كوركەم شاق. ولار ءومىر شەجىرەلەرىن ساباقتاي وتىرىپ، بوس ۋاقىتتارىندا شاحمات، دويبى وينايدى ەكەن. اۋەل باستا پانسيوناتتى ۇيىمداستىرۋشىلار قاريالاردى كۇندىز عانا جيناپ، كەشكە ۇيلەرىنە تاراتىپ جىبەرۋدى كوزدەپتى. بىراق قارعا ادىم جەر مۇڭ بولىپ وتىرعان قاريالاردىڭ ءار كۇن سايىن بارىپ-كەلۋلەرى اجەپتاۋىر قيىندىق تۋعىزاتىن بولعاندىقتان، تاۋلىك بويى وسىندا.

اس-سۋدان كەمدىگى جوق. عيماراتتىڭ استىندا جۋىناتىن ورىن جۇمىس ىستەپ تۇر. ال ءبىز كورگەن جاستار تاعدىر تالكەگىنە ۇشىراعان، مۇمكىندىگى شەكتەۋلى ادامدار ەكەن. توسەك تارتىپ جاتقان سوڭ ەت جاقىن اعايىن-تۋىس باعىپ-قاعۋدى اۋىرسىنادى. ولاردى دا تۇسىنۋگە بولادى، ءوز وتباسى بار. پانسيوناتپەن ەكى ورتادا كەلىسىمشارت جاساسقان سوڭ ارقايسىسىنا كورسەتىلەتىن قىزمەت تۇرلەرىنە وراي اقىسىن تولەپ تۇرادى. ال مۇندا كەز كەلگەن قىزمەت ءتۇرىن كورسەتۋگە تولىق مۇمكىندىك بار. دارىگەرلەر مەن مەدبيكەلەر جالعىزىلىكتى جاندار مەن مۇمكىندىگى شەكتەۋلى ادامداردىڭ دەنساۋلىعىن ۇنەمى قاداعالاپ وتىرادى. پانسيوناتتى پانالاعان جانداردا 20 قىزمەتكەر قىزمەت كورسەتەدى.

– العاشقى بەتتە جانى جومارت ادامدار قول ۇشىن سوزىپ، كومەك كورسەتەمىز دەگەندە ءبىرتۇرلى نامىستانىپ قالۋشى ەدىم، – دەيدى عاليا بەركىمبايقىزى، – كەيىن ساباما ءتۇستىم. قايىرىمدىلىق جاقسى قاسيەت قوي. قازىر ەرىكتىلەر كومەك كورسەتۋدە. ولاردىڭ اراسىندا جوعارى وقۋ ورنىنىڭ ستۋدەنتتەرى مەن مەكتەپ وقۋشىلارى دا بار. ءبىز كومەككە مۇقتاج ەمەسپىز، ايتسە دە جاستاردىڭ وسى جايدى ءوز كوزدەرىمەن كورگەندەرى دۇرىس شىعار دەپ ويلايمىن. ويتكەنى مۇنىڭ بارلىعى – ءومىر ساباعى.

قايىرىمدىلىق دەمەكشى، جاڭا سيپاتتاعى پانسيوناتتى وبلىس، قالا اكىمدىگى ۇدايى نازاردا ۇستايدى ەكەن. وبلىس ورتالىعىنداعى مەشىت قىزمەتكەرلەرى دە ءجيى-ءجيى ات ءىزىن سالىپ تۇرادى. بيىل قار كوپ جاۋدى. پانسيوناتقا اس-سۋ تاسىمالدانىپ، اراكىدىك قاجەتىنە وراي جەدەل جاردەم شاقىرتىلادى. مىنە، سونداي ساتتە ەش قيىندىق تۋعان ەمەس. كوممۋنالدىق قىزمەت وكىلدەرى يماندى شارۋا تۋرالى ەستىپ، ءبىلىپ وتىر. قوڭىراۋ شالسا بولدى، وتىنىشتەرىن تاپ-تۇيناقتاي ەتىپ ورىنداپ بەرەدى. پانسيونات قۇرىلتايشىسىنىڭ وسى ءبىر سوزىنەن كەيىن جان-دۇنيەمىز ۋىلجىپ كەتكەنىن نەسىنە جاسىرايىق. قايىرىمدى ادامداردىڭ بارىنا قۋاندىق. ولار ءومىردىڭ وكپەك جەلىنە توڭعانداردى ەلەپ-ەسكەرەدى ەكەن، جەلەپ-جەبەيدى ەكەن. ءومىردىڭ كۇزى ءوتىپ، قىسى كەلگەندە، تاعدىردىڭ بۇرقاسىنىنا توڭعان بەيكۇنا جانداردى باۋىرلارىنا تارتىپ جىلىتادى ەكەن. مەيىرىمنىڭ مولدىعىنا تاۋبە!..

 

كوكشەتاۋ قالاسى

 

سوڭعى جاڭالىقتار

ەلباسى: بەرەكە-بىرلىكتىڭ قادىرىن ءبىلۋىمىز كەرەك

تاۋەلسىزدىكتىڭ 30 جىلدىعى • بۇگىن، 10:55

قازاقستان تاۋەلسىزدىككە قالاي قول جەتكىزدى؟

تاۋەلسىزدىكتىڭ 30 جىلدىعى • بۇگىن، 09:45

قازاقستان «قىزىل» ايماقتان قۇتىلدى

كوروناۆيرۋس • بۇگىن، 09:38

ەلباسى: «ەڭبەك ەت، وتباسىڭدى اسىرا، ەلىڭە قىزمەت قىل»

تاۋەلسىزدىكتىڭ 30 جىلدىعى • بۇگىن، 09:35

632 قازاقستاندىق كوروناۆيرۋس جۇقتىردى

كوروناۆيرۋس • بۇگىن، 09:27

تاۋەلسىز مەملەكەتتەر دوستاستىعى قالاي قۇرىلدى؟

تاۋەلسىزدىكتىڭ 30 جىلدىعى • بۇگىن، 09:25

ەلباسى: «تاۋەلسىز ەلىمىزدىڭ باستى بايلىعى – ادام»

تاۋەلسىزدىكتىڭ 30 جىلدىعى • بۇگىن، 09:18

الەم كۋبوگىندا كۇمىس الدى

سپورت • بۇگىن، 09:16

«قالامگەرلەر اللەياسى» اشىلدى

ايماقتار • بۇگىن، 09:14

يت جۇگىرتىپ، قۇس سالدى

ۇلتتىق سپورت • بۇگىن، 09:09

نيجنەكامسكىدەگى كامبەك

حوككەي • بۇگىن، 09:05

اتامدى اقتاعىم كەلەدى

تاريح • بۇگىن، 08:57

تاۋەلسىزدىك تاعىلىمى

ەلباسى • بۇگىن، 08:20

قازاق-قىرعىز – الاشتان

رۋحانيات • كەشە

سوتتالعان شىعارما

ادەبيەت • كەشە

ۇقساس جاڭالىقتار