جىل باسىنان بەرى 15 مىڭنان استام ادام ەەب-داعى قولجەتىمدى سەرۆيستەردى پايدالانا وتىرىپ, جۇمىس ىزدەپ جۇرگەن ادام مارتەبەسىن الدى, 13 مىڭ ادام جۇمىسسىز رەتىندە تىركەلدى, 4 مىڭنان استام ادام مەملەكەت سۋبسيديالايتىن جۇمىس ورىندارىنا جۇمىسقا ورنالاستى. سونداي-اق, 1,4 مىڭنان استام جۇمىسسىز پرواكتيۆتى تۇردە ءوتىنىش جولداپ, مەملەكەتتىك الەۋمەتتىك ساقتاندىرۋ قورىنان جۇمىسىنان ايىرىلۋ بويىنشا الەۋمەتتىك تولەم الدى.
كەز كەلگەن ەەب پايدالانۋشىسى كورسەتىلگەن قىزمەتتەردى ناقتى ۋاقىتتا پورتالدىڭ باستى بەتىندە كورە الادى.
سونداي-اق, ەەب جاڭارتىلعان نۇسقاسىن ىسكە قوسقاننان كەيىن, پايدالانۋشىعا جۇمىسقا ورنالاسۋ ايماعى, ءبىلىم دەڭگەيى, جۇمىس كەستەسى جانە ت. ب. بويىنشا سيپاتتامالاردىڭ ۇلكەن اۋقىمى بويىنشا بوس جۇمىس ورىندارى مەن تۇيىندەمەلەردى تابۋعا مۇمكىندىك بەرەتىن جاڭا كەڭەيتىلگەن ىزدەۋ مۇمكىندىگى پايدا بولدى.
ەەب-دا كاسىپتەردىڭ جاڭارتىلعان انىقتامالىعى مەن داعدىلار بانكى ەنگىزىلدى. ەندى جۇمىس بەرۋشى قىزمەتكەرلەردى تەك تالاپ ەتىلەتىن ماماندىق بويىنشا عانا ەمەس, سونىمەن قاتار كانديداتتاردىڭ قاجەتتى كاسىبي داعدىلارىنىڭ بولۋى بويىنشا دا تاڭداي الادى.
پورتالدا حالىققا مەملەكەتتىك قىزمەتتەردى كورسەتۋ بويىنشا ونلاين-سەرۆيس قولجەتىمدى: ەەب ارقىلى جۇمىسسىز رەتىندە, جۇمىس ىزدەپ جۇرگەن ادام رەتىندە تىركەلۋگە, جۇمىسىنان ايىرىلۋ بويىنشا الەۋمەتتىك تولەمگە ءوتىنىم جىبەرۋگە جانە مەملەكەت سۋبسيديالايتىن بوس جۇمىس ورىندارىن – جاستار پراكتيكاسىن, الەۋمەتتىك جۇمىس ورىندارىن, قوعامدىق جۇمىس ورىندارىن تاڭداۋعا بولادى.
ەلەكتروندىق ەڭبەك بيرجاسىندا العاش رەت ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ «ەڭبەك» مەملەكەتتىك باعدارلاماسىنا قاتىسۋشىلاردى ەرىكتى تۇردە كوشىرۋ بويىنشا اقپارات بەرۋ سەرۆيسى جۇمىس ىستەي باستادى.
پايدالانۋشىلار قونىس اۋدارۋ وڭىرلەرىمەن, مەملەكەتتىك قولداۋ شارالارىمەن, تاڭدالعان ەلدى مەكەندەردە تۇرۋ جاعدايلارىمەن جانە وندا بار وزەكتى بوس جۇمىس ورىندارىمەن تانىسا الادى.
جىل بويى ەەب-دا جاڭا سەرۆيستەر مەن قوسىمشا مۇمكىندىكتەردى ەنگىزۋ جوسپارلانۋدا.
