«وتكەن جىلى ءوڭىر كولەمىندە 715 جوبا بويىنشا نىسانداردىڭ قۇرىلىس-مونتاجداۋ جۇمىستارى باستالعان. ونىڭ ىشىندە 356 نىساننىڭ قۇرىلىسى بيۋدجەت قاراجاتى ەسەبىنەن, 348 نىساننىڭ قۇرىلىسى جەكە كاسىپكەرلىك قاراجاتى ەسەبىنەن جانە 11 جوبا ينۆەستيتسيالىق قارجى ەسەبىنەن سالىنۋدا. سونداي-اق باسقارمادا 2020 جىلى زاڭ تالاپتارىن ساقتاماي سالىنعان 84 قۇرىلىس نىسانىنا تەكسەرۋ جۇرگىزىلىپ, انىقتالعان زاڭبۇزۋشىلىقتار نەگىزىندە قر-نىڭ اقبتك-ءنىڭ باپتارىنا سايكەس 153 حاتتاما بويىنشا جاۋاپقا تارتىلعان», دەدى ت. ورىنتاي ۇلى بريفينگتە.
ونىڭ ايتۋىنشا, زاڭ تالاپتارى ساقتالماعانى ءۇشىن جالپى سالىنعان ايىپپۇل كولەمى 28 935 945 تەڭگەنى قۇرايدى. نەگىزىنەن, باسقارما تاراپىنان 5 مەملەكەتتىك قىزمەت كورسەتىلەدى. اتالعان قىزمەتتەر 2019 جىلدان باستاپ 100 پايىزعا ەلەكتروندى تۇردە كورسەتىلۋدە.
وتكەن جىلى قۇرىلىس سالاسىندا ليتسەنزيا الۋعا, قايتا تىركەۋگە, اتتەستات الۋعا قاتىستى بارلىعى 1096-ءوتىنىش قابىلدانعان.
