ايماقتار • 04 ناۋرىز، 2021

اسىعىس شەشىم قاتەلىككە ۇرىندىرماسىن

8 رەت كورسەتىلدى

جامان ىندەتتىڭ قۇرىقتالا باستاۋىمەن قاتار مەكتەپ وقۋشىلارى جاڭاشا وقۋ فورماتىنا شۇعىل كوشىرىلىپ جاتىر. وبلىستىق ءبىلىم باسقارماسىنىڭ باسشىسى گۇلميرا كارىموۆا: ء«وڭىردىڭ «جاسىل ايماققا» وتۋىنە بايلانىستى ءبىلىم بەرۋ ءىسىن ۇيىمداستىرۋدا قالىپتى رەجىمگە بىرتىندەپ كوشۋ باستالدى»، دەدى.

سونىڭ ىشىندە 300-گە دەيىن وقۋشىسى بار قالا مەن اۋىل مەكتەپتەرى قالىپتى جاعدايدا وقۋدى جالعاستىرادى. 9، 11-سىنىپ وقۋشىلارى دا بۇ­­­­رىنعى قالىپتا قالادى، اتاپ ايتقاندا، ولاردىڭ وقي­تىن پاندەرىنىڭ 70 پايىزى شتات­تىق، ال 30 پايىزى قا­شىقتان وقۋ رەجىمىندە بولادى. سىنىپتاردا 15 بالادان ارتىق بولماۋى دا قاداعا­لا­نادى.

ەڭ باستى وزگەرىس –­­­­­ 1-5-سىنىپتاردا. ەرتەڭنەن باس­تاپ ونداعى وقۋشىلار قۇرامى تو­لىق فورماتتا وقىتىلادى. مۇ­نىڭ ءمانىسى سول، وقۋشىلار تەگىس كەلەدى. تەك بالالارىنىڭ دەرت­كە ۇشىراۋى سەبەپتى قا­شىق­تان وقىتۋدى قالاعان اتا-انا­لاردىڭ تىلەگىمەن عانا ۇيدەن وقىتۋعا بولادى. مەك­تەپتەر ەكى اۋىسىمدا وقى­تۋ­عا دا بىردەن كوشپەكشى. ءبى­رىن­شى اۋىسىمدا 1، 4، 9، 11 جانە ەكىن­شى اۋىسىمدا 3، 4، 5-سىنىپتار وقىتىلماق. ال 6، 7، 8، 10-سىنىپتار قاشىقتان وقۋ­­دى جالعاستىرادى.

قالاداعى ءابۋ دوسمۇحا­مەدوۆ اتىنداعى دارىندى با­لا­لار­عا ارنالعان مەكتەپ-گيم­نا­زيا سياقتى ارناۋلى مەك­تەپتەردە سىنىپتاردىڭ تو­لىق بولۋىنا رۇقسات ەتىلگەن. وسى ءتارتىپ بارلىق مەكتەپ پەن سىنىپ جەتەكشىلەرىنە جەت­كى­زىلدى.

گ.كارىموۆا ءبارى دە قۇ­لاق­تان­دىرىلىپ، جاڭا تار­تىپكە كوشۋدى باستايدى دە­گەنىمەن، كوپتەگەن اتا-انالار مەن جۋرناليستەر جاڭا تار­تىپكە كوشۋدىڭ شۇعىل بولۋىنا نارازالىق ءبىلدىردى. بۇل جاڭالىقپەن اتا-انالاردى دا قۇلاقتاندىرۋ كە­رەك ەكەندىگى كوپ ايتىلۋدا. شىنىندا، كوپتەگەن اتا-انالار بالالارىنىڭ قاشىقتان وقى­تىلاتىنىنا ۇيرەنىپ، وز­دە­­رىنىڭ جۇمىس جوسپارلارىن سوعان ۇي­لەستىرىپ قويعان. ەندى اياق استىنان ءبىلىم باسقار­ما­سىنىڭ مۇن­داي شە­شىم قا­بىل­داعانى بار­لىق اتا-انا­عا جايسىز ءتيىپ جاتىر. بۇدان كىم نە ۇتا­تىنى بەلگىسىز. وزگەرىس­تەر­دىڭ ءبارىن 20 كۇندەي عانا قالعان كە­لەسى توقساننان باستا­عا­نى دۇ­­رىس ەدى دەگەن سوزدەردى دە ەستى­دىك.

وسى اسىعىستىقتىڭ ءوزى دۇ­رىس شەشىمدەردى قابىلداۋعا دەگەن ىقىلاستىڭ جوقتىعىن كور­سەتىپ تۇر. قاي كۇندە دە اسى­عىس­تىق جاقسىلىققا اپار­ماي­تى­نىن جاس باسشىلار بىلە بەر­مەيتىن سياقتى.

 

سولتۇستىك قازاقستان وبلىسى

 

سوڭعى جاڭالىقتار

مەرەكە كۇندەر جاڭبىرلى بولادى

اۋا رايى • بۇگىن، 10:32

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ارداگەرلەر ازايىپ بارا جاتىر...

قازاقستان • بۇگىن، 07:38

ۇقساس جاڭالىقتار