قوعام • 03 ناۋرىز، 2021

«Adaldyq alańy»: جوبادان جالپىۇلتتىق قوزعالىسقا

103 رەت كورسەتىلدى

بۇگىن انتيكوردىڭ الاڭىندا وتكەن ونلاين-بريفينگتە پاراساتتىلىق دەپارتامەنتىنىڭ ديرەكتورى عانيجان اسان ۇلىنىڭ «Adaldyq alańy» جوباسىنىڭ جۇزەگە اسىرىلۋ بارىسىمەن تانىستىردى.

«Adaldyq alańy» جالپى رەسپۋبليكالىق سىبايلاس جەمقورلىققا قارسى جوباسىن ىلگەرىلەتۋ قاجەتتىلىگىن ەلباسى ن.ءا. نازارباەۆ 2018 جىلعى 5 قازانداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىندا بىلاي اتاپ ءوتتى: «سىبايلاس جەمقورلىقتان ادا وڭىرلەر» جوبالارى اياسىندا سىبايلاس جەمقورلىققا قارسى ستراتەگيانى ىسكە اسىرۋ بويىنشا ەلوردانىڭ تاجىريبەسىن تاراتۋ قاجەت».

جوبانىڭ ماقساتى مىناداي مىندەتتەر ارقىلى تۇرمىستىق سىبايلاس جەمقورلىقتى جويۋ بولىپ تابىلادى:

- ازاماتتارعا قىزمەت كورسەتۋگە قولايلى جاعداي جاساۋ;

- مەملەكەتتىك ورگانداردىڭ اشىقتىعىن قامتاماسىز ەتۋ;

- سىبايلاس جەمقورلىققا قارسى مادەنيەتتى قالىپتاستىرۋ;

- قوعامدىق باقىلاۋ قۇرالدارىن كۇشەيتۋ.

«بۇگىنگى تاڭدا 19 ورتالىق مەملەكەتتىك ورگاندا، 17 وڭىردە جانە «سامۇرىق-قازىنا» اق مەن ونىڭ ەنشىلەس ۇيىمدارىندا قوعام وكىلدەرىنەن باسشىلارى تاعايىندالعان «Adaldyq alańy» جوبالىق كەڭسەلەرى اشىلدى»، دەدى ع. اسان ۇلى.

ازاماتتارعا قىزمەت كورسەتۋگە قولايلى جاعدايلار جاساۋ ولاردى كورسەتۋدىڭ قاعاز نىسانىن قوسپاعاندا، مەملەكەتتىك كورسەتىلەتىن قىزمەتتەردى ەلەكتروندىق فورماتقا اۋىستىرۋ ارقىلى جۇزەگە اسىرىلادى.

پاراساتتىلىق دەپارتامەنتى ديرەكتورى ع. اسان ۇلىنىڭ ايتۋىنشا: «جوبا مەملەكەتتىك قىزمەتتەردى تسيفرلاندىرۋعا ايتارلىقتاي سەرپىن بەرىپ، 93 % دەڭگەيگە قول جەتكىزۋگە ىقپال ەتتى. قازاقستان بۇۇ قالىپتاستىرىپ وتىرعان ەلەكتروندىق ۇكىمەتتى دامىتۋدىڭ جاھاندىق رەيتينگىندە 29-ورىنعا تابان تىرەسە، ەلەكتروندىق قاتىسۋ يندەكسى بويىنشا – 26-ورىندا».

وسىلايشا، مەملەكەتتىك قىزمەت كورسەتۋ پروتسەسىن اۆتوماتتاندىرۋ ارقىلى ازاماتتار مەن شەنەۋنىكتەر اراسىندا تىكەلەي بايلانىس جويىلدى.

تۇرمىستىق سىبايلاس جەمقورلىقتى جويۋ ماسەلەلەرىندە تسيفرلىق شەشىمدەردى قولدانۋعا ەرەكشە ءرول بولىنگەن، ولاردىڭ ىشىندە «IQALA» قالالىق قىزمەتتەر ورتالىعى، «i-KOMEK 109» مونيتورينگ جانە جەدەل ارەكەت ەتۋ ورتالىعى جانە وڭىرلەردەگى جەر ماسەلەلەرى بويىنشا گەواقپاراتتىق جۇيەلەردى ايتۋعا بولادى.

مەملەكەتتىك ورگانداردىڭ اشىقتىعىن قامتاماسىز ەتۋ جۇمىستىڭ سەرۆيستىك مودەلىن ەنگىزۋمەن تىكەلەي بايلانىستى.

وسىلايشا، سىبايلاس جەمقورلىققا قارسى ساياساتىنىڭ نەگىزگى مىندەتتەرىنىڭ ءبىرى قالا، اۋدان، اۋىلدىق اكىمدىكتەردى سەرۆيستىك ۇلگىگە كوشىرۋ بولدى.

عانيجان اسان ۇلى ايتىپ وتكەندەي: «انتيكوردىڭ، بارلىق دەڭگەيدەگى اكىمدىكتەر مەن «Adaldyq alańy» جوابىلق كەڭسەلەرىنىڭ ۇيلەسىمدى جۇمىسىنىڭ ارقاسىندا 320-دان استام اكىمدىك سەرۆيستىك فورماتقا كوشتى، بۇل – وبلىستىق ماڭىزى بار قالالار مەن اۋداندار ءجۇز پايىز قامتىلدى دەگەن ءسوز. بارلىق ەلدى مەكەندەردە وزىنە-ءوزى قىزمەت كورسەتۋ بۇرىشتارى بار».

مەملەكەتتىك ورگاندار مەن مەكەمەلەردە 2 400-دەن استام كەدەرگىسىز فرونت-وفيستەر مەن وۋپەن-سپەيستەردىڭ اشىلۋى مەملەكەتتىك مەكەمەلەردە كورسەتىلەتىن قىزمەتتەردى الۋ پروتسەسىن جەڭىلدەتتى، ازاماتتارعا قولجەتىمدى نىساندا كەڭ اۋقىمدى ماسەلەلەر بويىنشا كونسۋلتاتسيا جۇرگىزۋگە مۇمكىندىك بەرگەن.

وسىلايشا، اشىقتىق پەن ترانسپارەنتتىلىك جۇمىستىڭ كۇندەلىكتى ستاندارتى بولىپ تابىلاتىن مەملەكەتتىك قىزمەتشىلەردىڭ جاڭا ادەتتەرىنىڭ ترانسفورماتسياسى باستالدى.

مەملەكەتتىك ءبىلىم بەرۋ جانە دەنساۋلىق ساقتاۋ مەكەمەلەرىنىڭ 5،5 مىڭنان استام ءبىرىنشى باسشىسى وزدەرىنىڭ ىڭعايلى كابينەتتەرىنەن شىعىپ، ءبىرىنشى قاباتتاعى «اينەك كابينەتتەردە» جۇمىس ىستەۋگە كوشتى. وسىلايشا باسشىلار دا قولجەتىمدى بولدى.

اگەنتتىك وسى باعىتتىڭ جاي ۇيلەستىرۋشىسى عانا ەمەس، ءوز مىسالىندا ازاماتتاردى كەدەرگىسىز جانە جەدەل قابىلداۋدى قامتاماسىز ەتۋ بويىنشا شارالار قابىلدادى. 17 وڭىردە اگەنتتىكتىڭ سەرۆيستىك ورتالىقتارى اشىلدى، ولاردىڭ الاڭىندا سىبايلاس جەمقورلىققا قارسى باستامالاردىڭ «فابريكالارىنا» اينالعان كوۆوركينگ ورتالىقتارى جۇمىس ىستەيدى. وسىعان ۇقساس «Antikor ortalyǵy» سەرۆيستىك ورتالىعى اگەنتتىكتىڭ ورتالىق اپپاراتىنىڭ جانىندا اشىلدى.

«Adaldyq alańy» شەڭبەرىندە ازاماتتاردى كونسۋلتاتسيالىق قولداۋ جۇيەسى جولعا قويىلعان.

بۇل تۇرعىدا كۇن سايىن وتكىزىلەتىن تۇراقتى تىكەلەي ەفيرلەرى ازاماتتاردى ءداستۇرلى قابىلداۋلاردى الماستىرعان «ادال كومەك» جانە «Antikor.Live» جوبالارىن ەرەكشە اتاپ وتۋگە بولادى.

ونلاين-بريفينگ بارىسىندا پاراساتتىلىق دەپارتامەنتىنىڭ ديرەكتورى ع.اسان ۇلى وتكەن جىلى «Adaldyq alańy» جوبالىق كەڭسەلەرىنە ازاماتتاردان 12 مىڭعا جۋىق ءوتىنىش كەلىپ تۇسكەندىگىن، ولاردىڭ 80% - ى وڭ شەشىمىن تاپقاندىعىن ايتتى.

انتيكوردا اتاپ وتكەندەي، «Adaldyq alańy» جوباسى ەلدەگى قوعامدىق باقىلاۋدىڭ درايۆەرىنە اينالدى. سىبايلاس جەمقورلىققا قارسى قوزعالىس اياسىندا 80 مىڭنان استام ۆولونتەر جينالدى. وسىلايشا، قوعام مەن بەي-جاي قارامايتىن ازاماتتاردىڭ كۇشىمەن ءدارى-دارمەكپەن الىپساتارلىقتىڭ 300 فاكتىسىنىڭ جولى كەسىلدى، گۋمانيتارلىق كومەك رەتىندەگى 18،3 ملن قورعانىش قۇرالى، 3،1 ملن دارىلىك زاتتار، 428 مىڭ بىرلىك مەديتسينالىق جابدىق ماقساتى بويىنشا ءتيىستى ورىندارعا جەتكىزىلدى، كومپيۋتەرلەر ساتىپ الۋ كەزىندە 1،5 ملرد تەڭگەدەن استام قاراجات ۇنەمدەلدى، ۇبت-دەگى 3 مىڭعا جۋىق قاتىسۋشىنىڭ ناتيجەلەرى جويىلدى.

 قوعامدىق باقىلاۋدىڭ تاعى ءبىر پارمەندى تەتىگى «اشىق بيۋدجەتتەردىڭ ينتەراكتيۆتى كارتاسى» بولدى.

14،3 ترلن تەڭگەنى قۇرايتىن 18 مىڭعا جۋىق مەملەكەتتىك مەكەمەنىڭ قارجىلىق دەرەكتەرى ورنالاستىرىلعان كارتانى دامىتۋ ماقساتىندا اگەنتتىك «اشىق بيۋدجەت» جاڭا جوباسىن ىسكە قوستى. ونىڭ ماقساتى – بيۋدجەت قاراجاتىن يگەرۋ مونيتورينگىنە ازاماتتاردى كەڭىنەن تارتۋ جانە حالىقتىڭ قارجىلىق ساۋاتتىلىعىن ارتتىرۋ.

«حالىق اراسىندا پاراساتتىلىق يدەولوگياسىن ىلگەرىلەتۋ عىلىمي جانە شىعارماشىلىق زيالى قاۋىمنىڭ، كورنەكتى قوعام جانە مەملەكەت قايراتكەرلەرىنىڭ قاتىسۋىمەن اقپاراتتىق-اعارتۋ شتابى مەن «پاراسات جولى» ورتالىعى شەڭبەرىندە جۇزەگە اسىرىلادى»، دەدى پاراساتتىلىق دەپارتامەنتىنىڭ ديرەكتورى ع. اسان ۇلى.

سىبايلاس جەمقورلىققا قارسى قابىلداۋ مەن پاراساتتىلىق مادەنيەتىن قالىپتاستىرۋدا كوركەم شىعارمالار، سپەكتاكلدەر («قۇلقىننىڭ ق ۇلى» دراماسى، «باقىت كىلتى» پەساسى، «جەمقورلىق – الەۋمەتتىك دەرت» سپەكتاكلى)، قىسقا مەتراجدى فيلمدەر («1424»)، الەۋمەتتىك روليكتەر، سىبايلاس جەمقورلىققا قارسى كورنەكى ونىمدەر (مۇرالى، باننەرلەر، بيلبوردتار، ۇلەستىرمە ماتەريالدار، ت.ب.)، ادالدىق دۇكەندەر مەن تۋرنيكەتتەرى ماڭىزدى ءرول اتقارادى.

«Adaldyq alańy» اياسىندا قوعامدا سىبايلاس جەمقورلىققا قارسى مادەنيەتتى قالىپتاستىرۋدا جاستار ترەندتەرىنە ەرەكشە ورىن بەرىلگەن.

اپتا سايىن ۇلى تۇلعالاردىڭ ەڭبەكتەرى مەن سوزدەرىنە نەگىزدەلگەن «ادالدىق ساعاتى» ونلاين-دارىستەرى وتكىزىلەدى.

سونداي-اق، جاس ۇرپاقتىڭ سىبايلاس جەمقورلىققا قارسى دۇنيەتانىمى مەكتەپىشىلىك جانە ستۋدەنتتىك «ادال ۇرپاق» جانە «سانالى ۇرپاق» كلۋبتارىمەن قالىپتاسادى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار