ايماقتار • 03 ناۋرىز، 2021

«شىمكەنت-تسيركتە» اڭدارسىز جاڭا باعدارلاما باستالدى

5 رەت كورسەتىلدى

«شىمكەنت-تسيركتە» اڭدارسىز جاڭا باعدارلاما قولعا الىنىپ جاتىر. كارانتين رەجيمىنە بايلانىستى ۇزاق ۋاقىت بويى ونلاين جۇمىس جاساعان تسيرك ءوز كورەرمەندەرىنە قايتا ەسىگىن اشپاق، دەپ حابارلايدى Egemen.kz.

«شىمكەنت-تسيركى» زامان تالابىنا ساي، الەمدىك برەند «Cirque du Soleil» تسيركىنىڭ باعىتىندا، سونىڭ ەلەمەنتتەرىن پايدالانا وتىرىپ، العاش رەت اڭدارسىز جاڭا قويىلىم كورسەتەدى.

باعدارلامادا ارتىستەردىڭ اۋەدە ۇشۋى، باتىلدىق شەڭبەرىندە ساقتاندىرۋسىز ونەر كورسەتەتىن اكروباتتار، جاس ارتىستەردىڭ دەبيۋتتىك نومىرلەرى، كلوۋنداردىڭ كۇلكىگە تولى جاڭا رەپريزالار سەكىلدى جاڭا نومىرلەر ۇسىنىلادى.

– ناۋرىز مەرەكەسىنە ۇلكەن باعدارلاما دايىنداپ جاتىرمىز. تسيرك ونەرىن جاڭعىرتۋ، ءتۇرلى تاجىريبەلەردى ەنگىزۋدە بىرقاتار جوسپارلارىمىز بار. قازىر كۇنىنە 10-20 قىزمەتكەردىڭ دايىندىق جۇمىستارى جۇرگىزىلىپ جاتىر. مەرەكەلىك تارتۋلار ازىرلەنىپ جاتىر. قازىرگى تاڭدا اباتتاندىرۋ جۇمىستارى، بىلىكتى كادرلار دايىنداۋ، ولارعا جاعداي جاساۋ سىندى ماسەلەلەر بويىنشا تۇجىرىمدامانى قولعا الىپ وتىرمىز. بولاشاقتا ماماندارعا جاتاقحانا سالۋ بويىنشا ۇسىنىستارىمىز بار. بىزدە ماماندار جەتىسپەيدى. بۇل ونەرگە ەڭبەكقور جاستاردى تارتۋدى قولعا الىپ وتىرمىزىمىز،- دەيدى تسيرك ديرەكتورى ن.ءادىلحانوۆ.

«شىمكەنت-تسيركى» – الەمدەگى ەڭ جاس تسيركتەردىڭ ءبىرى. مەكەمە بيىل 10 جىلدىق مەرەيتويىن اتاپ وتەدى. ونەر ۇجىمى 2021 جىلدى «اڭسىز تسيرك» بىرەگەي ەكسپەريمەنتالدىق جوباسىمەن باستايدى. ەندىگى كەزەكتە، كلوۋن جانە شاپيتو، دجيگيتوۆكا، جونگلەرلىك ەتۋ جانە ەكۆيليبريستيكا، اۋە گيمناستتارى سەكىلدى باعىتتاردى دامىتۋدى كوزدەپ وتىر.

باعدارلامانىڭ ۇزاقتىعى 80 مينۋت، 5 جاستان جوعارى بالالار مەن ەرەسەكتەرگە ارنالعان. بيلەت باعاسى 2000 تەڭگەدەن جوعارى. ۇجىمدىق جەڭىلدىكتەر دە قاراستىرىلعان. بيلەتتەر ونلاين كاسسالاردا ساتىلادى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار