دۇنيەجۇزىلىك تۇمسا تابيعات كۇنىنە وراي قر ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ءوزىنىڭ Twitter-دەگى پاراقشاسىندا پوست پەن قىزىل كىتاپقا ەنگەن سىلەۋسىننىڭ كامەراعا ءتۇسىپ قالعان ۆيدەوسىن جاريالادى.
«بۇگىن دۇنيەجۇزىلىك تۇمسا تابيعات كۇنى. بۇل كۇن بۇكىل الەمگە تابيعاتتى قورعاۋدىڭ ماڭىزدىلىعىن ەسكە سالۋعا ارنالعان. ەلىمىز فلورا مەن فاۋناعا باي. قازاقستاندا وسىمدىكتەردىڭ 6000-نان استام ءتۇرى جانە ومىرتقالى جانۋارلاردىڭ 835 ءتۇرى بار. جەرىمىزدىڭ 13 ملن. گەكتارىن ورمان الىپ جاتىر. تابيعاتتى قورعاۋ ءبىزدىڭ باستى مىندەتىمىز. جىل سايىن ءبىز ,,اقبوكەن" تابيعاتتى قورعاۋ اكتسياسىنا قاتىسامىز, ءبىزدىڭ ينسپەكتورلار كۇن سايىن اۋا-رايىنىڭ قولايسىزدىعىنا قاراماستان براكونەرلەرمەن كۇرەسىپ, قورشاعان ورتانى قورعاۋعا باعا جەتپەس ۇلەس قوسۋدا. بەلسەندى ازاماتتاردىڭ قورشاعان ورتانى قورعاۋ جونىندەگى ورتاق مىندەتتەردى ىسكە اسىرۋعا اتسالىسۋى بىزگە سەرپىن بەرەدى», دەپ جازدى ول.
«جاقىندا شارىن ۇلتتىق پاركىندە قىزىل كىتاپقا ەنگەن تۇركىستان سىلەۋسىنى كامەرا ءتۇسىپ قالعان بولاتىن, سول ۆيدەومەن بولىسپەكپىن. بۇل سۋرەتتەر تۇمسا تابيعاتىمىزدىڭ سۇلۋلىعىن كورسەتەدى. وسى بىرەگەيلىكتى ساقتاۋ ماڭىزدى», دەپ تولىقتىردى ول.
