ايماقتار • 03 ناۋرىز، 2021

اقتوبەدە جول-كولىك وقيعاسىنان 2 بالا زارداپ شەكتى

6 رەت كورسەتىلدى

جىل باسىنان بەرى اقتوبەدە 13 بالا جول اپاتىنان جاراقات الدى، دەپ حابارلايدى Egemen.kz Polisia.kz سايتىنا سىلتەمە جاساپ.

اۆتوكولىك سالونىنداعى بالانىڭ ءومىرى تولىعىمەن جۇرگىزۋشىگە بايلانىستى. وكىنىشكە وراي، اتا-انالاردىڭ قاراپايىم قاۋىپسىزدىك شارالارىن ەلەمەۋى ءوزى ءۇشىن عانا ەمەس، بالا ءۇشىن دە وتە قايعىلى اياقتالۋى مۇمكىن. مىسالى، 1 ناۋرىزدا اقتوبەدە مارشرۋتتىق اۆتوبۋس پەن جەڭىل اۆتوكولىكتىڭ قاتىسۋىمەن جكو ورىن الدى، وندا “دەۋ-نەكسيا” اۆتوكولىگىنىڭ سالونىنداعى ەكى بالا زارداپ شەكتى.

اۆتوكولىكپەن ساپارعا شىعاردا، بالانى بالالار كرەسلوسىنا وتىرعىزىڭىز، بالالار وعان تەز ۇيرەنەدى جانە باسقا ورىنعا وتىرمايتىن بولادى. سونىمەن قاتار، قاۋىپسىزدىك بەلدىگىن ءوزىڭىز بەكىتىڭىز، ويتكەنى بۇل بالاعا جاقسى ۇلگى بولادى.

– بالالاردى ەرتە جاستان باستاپ جول ەرەجەلەرىن ساقتاۋعا ۇيرەتىڭىز. جەكە مىسال وقىتۋدىڭ ەڭ تۇسىنىكتى ءتۇرى ەكەنىن ۇمىتپاڭىز. ەسىڭىزدە بولسىن! بالا سىزدەن، اتا-انادان جانە باسقا ەرەسەكتەردەن ۇلگى الىپ، “جول زاڭدارىن” ۇيرەنەدى. ءسىزدىڭ مىسالىڭىز تەك ءسىزدىڭ بالاڭىزعا عانا ەمەس، سونىمەن قاتار باسقا بالالارعا دا كوشەدە ءتارتىپتى بولۋعا ۇيرەتسىن، – دەپ تۇيىندەدى اقتوبە وبلىسى پد باستىعى اتىعاي ارىستانوۆ.

جىل باسىنان بەرى اقتوبە وبلىسىنىڭ اۋماعىندا بالالاردىڭ قاتىسۋىمەن 11 جول-كولىك وقيعاسى ورىن الىپ، 13 بالا ءتۇرلى دەنە جاراقاتىن الدى.

سوڭعى جاڭالىقتار

ۇقساس جاڭالىقتار