رۋحانيات • 03 ناۋرىز، 2021

جەڭىسكە جەتكىزگەن «جۇمىر قىلىش»

40 رەت كورسەتىلدى

« ۇلىتاۋ» ەتنو-روك توبى اقش-تاعى الەمنىڭ 83 ەلىنەن مۋزىكالىق توپتار دوداعا تۇسكەن DJOOKY Music Awards حالىقارالىق بايقاۋىندا روك/مەتالل ساناتى بويىنشا جەڭىسكە جەتتى. ونەر ۇجىمى ماحامبەت وتەمىس ۇلىنىڭ «جۇمىر قىلىش» كۇيىن ورىنداعان.

ءسۇيىنشى جاڭالىقتى وكق الاڭىندا وتكەن بريفينگ بارىسىندا « ۇلىتاۋ» توبىنىڭ پروديۋسەرى قىدىرالى بولمان، سونداي-اق توپ مۇشەلەرى سەرىك سانسىزباەۆ، اسەل يساەۆا، ماكسيم كيچيگين، رۇستەم باەكەەۆ، جانبولات ءادىلوۆ، ءالي يبراگيموۆ حابارلادى. لوس-اندجەلەستە وتكەن ونەر بايگەسىنە الەمنىڭ 83 ەلىنەن 13 مۋزىكالىق باعىت بويىنشا مىڭداعان مۋزىكانت قاتىستى.

توپ پروديۋسەرى قىدىرالى بولمان قازاقستان حالقىنىڭ بىرلىگى مەن ىنتىماقتاستىعى ءى ورىن الۋعا مۇمكىندىك بەرگەنىن اتاپ ءوتىپ، قالا تۇرعىندارىنا كورسەتكەن قولداۋى ءۇشىن العىس ءبىلدىردى.

بايقاۋ جەڭىمپازدارى تۋىندىنى سapital Studios مۋزىكالىق ورتالىعىندا (اقش، لا) تانىمال امەريكالىق پروديۋسەر برايان مالۋفپەن جازۋ قۇقىعىنا يە بولعانىن ايتا كەتەيىك. ال بايگە قورىتىندىسى ارالاس فورماتتا شىعارىلدى: 50% – كورەرمەندەردىڭ داۋىس بەرۋى، 50% – امەريكالىق پروديۋسەر برايان مالۋفتىڭ شەشىمى.

 

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

ۇقساس جاڭالىقتار