قوعام • 02 ناۋرىز، 2021

10 ناۋرىزدان باستاپ «الماتى جاستارى» باعدارلاماسى قايتا ىسكە قوسىلادى

66 رەت كورسەتىلدى

بيىل 10 ناۋرىزدان باستاپ «الماتى جاستارى» باعدارلاماسى قايتا ىسكە قوسىلادى. بۇل تۋرالى قالالىق تۇرعىن ءۇي ساياساتى باسقارماسى باسشىسىنىڭ ورىنباسارى ەرمەك ءامىروۆ مالىمدەدى، دەپ حابارلايدى Egemen.kz

جىلجىمايتىن م ۇلىك نارىعىندا باعانىڭ وسۋىنە بايلانىستى بۇل جولى نەسيەگە 18 ميلليون تەڭگە بەرىلەدى. ال، پايىزدىق مولشەرلەمە 5 پايىز، باستاپقى جارنا 10 پايىز بولماق. سونىمەن قاتار باعدارلاماعا بيىل قۇقىق قورعاۋ ورگاندارىنىڭ قىزمەتكەرلەرى دە ىلىگىپ وتىر. پاتەرلى بولۋعا نيەت بىلدىرگەندەر ءۇشىن قۇجات تاپسىرۋ 31 ناۋرىزعا دەيىن جالعاسادى.

«2020 جىلى «الماتى جاستارى» باعدارلاماسى اياسىندا 1000 پاتەر پايدالانۋعا بەرىلدى. اتاپ ايتقاندا، دەنساۋلىق ساقتاۋ سالاسىنا – 316، ءبىلىم سالاسى قىزمەتكەرلەرىنە – 300، مادەنيەت سالاسىنا – 107، سپورت سالاسىنا – 36 باسپانا بەرىلدى. سونداي-اق،  جوعارعى وقۋ ورىندارىنىڭ قىزمەتكەرلەرىنە 129 ءۇي جانە الەۋمەتتىك سالا ماماندارىنا 30 پاتەر ءبولىنىپ، باق وكىلدەرىنەن 68 وتباسى پاتەرگە يە بولدى»، دەدى قالالىق تۇرعىن ءۇي ساياساتى باسقارماسى باسشىسىنىڭ ورىنباسارى ەرمەك ءامىروۆ.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار